लुदअ,कपिलवस्तु । कपिलवस्तु प्रहरीले चार जना फरार प्रतिवादीलाई पक्राउ गरेको छ । जिल्लाका विभिन्न स्थानबाट उनीहरुलाई पक्राउ गरेको प्रहरीले जनाएको हो । वडा प्रहरी कार्यालय चन्द्रौटाले लागुऔषध मुद्दामा फरार रहेका शिवराज नगरपालिका ५ बालापुरका गोपी बुढालाई पक्राउ गरेको हो ।
यसैगरी इलाका प्रहरी कार्यालय बहादुरगन्जले जबरजस्ती करणी मुद्दाका फरार रहेका कृष्णनगर नगरपालिका -८ बहादुरगन्जका राजु यादवलाई पक्राउ गरेको छ । वन मुद्दामा फरार प्रतिवादी हरिशचन्द्र थारु र सवारी ज्यान मुद्दामा कैद भुक्तान गर्न बाँकी गोविन्दप्रसाद थारुलाई बाणगंगा नगरपालिका-३ सिउटीबाट पक्राउ परेको जनाएको छ ।
पक्राउ पर्ने चार जनालाई कारवाहीका लागि कपिलवस्तु जिल्ला अदालतमा बुझाइएको जिल्ला प्रहरी कार्यालय कपिलवस्तुका प्रवक्ता प्रहरी नायव उपरीक्षक गंगाबहादुर थापाले बताए ।
प्रकाशित : २०८० भाद्र २५, सोमबार २०:२९
