लुदअ,पकडी । सरकारले विकास निर्माणका काममा कसैलाई पनी बिभेद गर्न नहुने प्रतिनिधि सभा सदस्य तथा संघिय सांसद बलराम अधिकारी बताउनु भएको छ ।
आज मायादेवी गाउँपालिका वडा नं ५ बलुहवा भएको जनतासँग भेटघाट कार्यक्रममा सो कुरा बताउनु भएको हो ।
जनताका आवश्यकताहरु धेरै छन् ति आवश्यकताहरुलाई प्राथमिकताका आधारमा तिनै तहका सरकारले पुरा गर्दे जानु पर्ने बताउनु भयो । उहाँले भन्नु भयो अहिले संघ तथा प्रदेशमा बजेट बनाउदा अन्यौल भयो बजेट ल्याउने बेला सरकार परिवर्तन भयो पहिला केन्द्रबाट बजेट निर्माण हुन्थ्यो तर अहिले संघियता आय पश्चात् ठुला ठुला राष्टिय गौरवका योजना बाहेक धेरै योजनाहरु प्रदेश र पालिकाबाट बन्छ । पालिकाले बजेट बजेट निर्माण गर्दा सबै जनताको माग अनुसार बजेट बिनियोजन गर्नु पर्ने बताउनु भयो
उहाँले भन्नु भयो जनताले योजना छनौट प्रक्रिया पनि बुझ्न जरुरी छ । बस्तिस्तरको योजना छनौटमा सबैले आफ्नो गाउँ टोलको प्राथमिकता के हो सोही आधारमा योजना छनौट गर्नुपर्ने बताउनु भयो ।
कार्यक्रममा लुम्बिनी प्रदेश सांसद मधुसुदन चौधरीले आफुहरु जनताका प्रतिनिधी भएकाले सदैव जनताको सेवामा खटिने बताउनु भयो । आफुले आ.व.८०/८१ का लागी प्रदेशबाट सबै वडामा पर्ने गरी प्रदेशबाट केही बजेट पनी पारेको बताउनु भयो । कार्यक्रममा नेकपा एमाले सचिवालय सदस्य तथा निर्वाचन क्षेत्र नं १ (ख) इन्चार्ज बजरंगी प्रसाद चौधरीले अब आउने २०८४ सालको चुनावमा मायादेवी र सुद्दोधन गाउँपालिकामा नेकपा एमालेका उमेद्धवारहरुलाई जिताउने गरी काम गरिरहेको बताउनु भयो । उहाँले भन्नु भयो अहिले हामी पालिकाले गरेका कामको मुल्यांकन गरिरहेका छौ । अव हामीले पालिकामा बलियो प्रतिपक्षका भुमिका निर्वाह गर्दछौ ।
कार्यक्रममा नेकपा (एमाले) जिल्ला सदस्य तथा मायादेवी गाउँपालिका इन्चार्ज तिरथ पासी,मायादेवी गाउँपालिकका अध्यक्ष जगन्नाथ कुर्मी,उपाध्यक्ष सि.पी.चौधरी, सचिव बिष्णु पाण्डेय,राष्टिय युवा संघका केन्द्रिय सदस्य श्याम यादव लगायतको उपस्थिती रहेको थियो ।
