दुर्गा प्रसाद काफ्ले, कपिलवस्तु
कपिलवस्तुको बाणगंगा नगरपालिका वडा नम्बर –५ कोपवा स्थित साना किसान कृषि सहकारी संस्था लिमिटेडको १० औं साधारणसभा एक कार्यक्रमका बिच सम्पन्न भएको छ। साधरणसभा लुम्बिनी प्रदेश सभा सदस्य तथा पुर्व स्वास्थ्य मन्त्री बिष्णु पन्थीले उद्घाटन गरेका थिए। सोही अवसरमा बोल्दै उनले बजारको आवश्यकतालाई बुझेर सहकारी माध्यमबाट बजार ब्यस्थापन गरि उत्पादन भएका बस्तुलाई बजारसम्म पुर्याउन पर्ने बताए ।
त्यस्तै बाणगंगा नगरपालिकाका मेयर चक्रपाणी अर्यालले नगर भित्र रहेका सहकारीहरूलई संरक्षण गर्दै अगाडि बढाउन सहकार्य गरेको भन्दै नगरबाट प्राप्त हुने सम्पूर्ण किसिमका सहयोग गर्ने प्रतिबद्धता गरे । यसै बिच संस्थाका अध्यक्ष मालिका पोख्रेलले हाल सहकारीमा ८ सय ७६ जना शेयर सदस्य रहेको जानकारी दिदै आर्थिक बर्ष २०८०/०८१को लागि महत्त्वपूर्ण कार्यक्रमहरू प्रस्तुत गर्दै ७४ लाख ६हजार १०४ रूपिया बराबरको आयब्याय सार्वजनिक गरिन।
लेखा समिति संयोजक सिर्जना अधिकारीले लेखा प्रतिवेदन प्रस्तुत गर्दै ४१ लाख ८१ हजार ५ सय २३ रूपियाँ नाफा सहित संस्थाको कुल पुँजी ७ करोड ५० लाख ५७ हजार २ सय ९२ रूपिया रहेको बताइन ।
सोही अवसरमा संस्थाले असल बचतकर्ता, ऋणी सफल उद्यमी, महिला ज्येष्ठ नागरिक, सफल कृषक, उत्कृष्ट छात्रा लगायतलाई खादा, सम्मानपत्र, च्यावनप्रास दोसल्ला र पोशाक शैक्षिक सामग्री सहित सम्मान गरेको थियो ।
स्थानीय जनप्रतिनिधि, समाजिक संघसंस्थाका पदाधिकारी ,समाजसेवी, बुद्धिजीवी सन्चार्कर्मीहरुको बाक्लो उपस्थिति रहेको थियो ।
कार्यक्रम अध्यक्ष मालिका पोख्रेलको अध्यक्षता, उपाध्यक्ष पार्वती आचार्यको स्वागत र ब्यवस्थापक रोमा खनालको सञ्चालनमा सम्पन्न भएको थियो ।
