काठमाण्डौ । राष्ट्रिय किसान आयोगले किसान पहिचानका लागि वर्गीकरणसहितको परिचयपत्र वितरणको माग गरेको छ । आयोगका अध्यक्ष प्रेम दङ्गालले देशभरका किसानलाई परिचयपत्रका आधारमा सामाजिक सुरक्षा दिन पनि माग गरेका छन् ।
आयोगको स्थापना दिवसको अवसरमा हिजो भएको कार्यक्रममा उहाँले कृषिको काममा हुने दुर्घटनाको जोखिम बहन गर्न किसानको बीमा तथा स्वास्थ्य उपचारका लागि छुट्टै किसान अस्पताल स्थापना गर्न पनि सरकारलाई आग्रह गरेका छन्।
कृषि तथा पशुपक्षी विकास मन्त्रालयका सचिव रेवतीरमण पौडेलले कृषि ऐन ल्याउने अन्तिम तयारी भैरहेको भन्दै किसानलाई उत्पादनका आधारमा सहुलियत ऋण, प्रविधिमा अनुदान, मल, बीउबिजनको सुविधाको व्यवस्था गरिएको जानकारी दिए ।
प्रकाशित : २०८० माघ ८, सोमबार १३:३१
