लुदस, कपिलवस्तु
कपिलवस्तुको बाणगंगा २ स्थित ज्ञानपुञ्ज बोर्डिङ्ग स्कुल राजपुरले माध्यमिक शिक्षा परीक्षा एसईई २०८१ मा उल्लेखनीय सफलता हासिल गरेको छ । परीक्षा सहभागिता जनाएका २८ जना सम्पूर्ण विद्यार्थी उत्तीर्ण भएका छन्, जसमा ४ जना विद्यार्थीले सर्वोत्कृष्ट ४.०० जिपिए हासिल गर्दै विद्यालयको शैक्षिक यात्रामा सफलता प्राप्त गरेका छन् ।
पूर्ण ४ जिपिए प्राप्त गर्ने विद्यार्थीहरुमा दिव्या गैरे, ग्रीष्मा गाहा, सम्झना न्यौपाने र सारा ज्ञवाली रहेका छन्। त्यसका साथै २१ जना विद्यार्थीले ३.६० देखि ३.९६ जिपिए र ३ जना विद्यार्थीले ३।२१ देखि ३.५९ जिपिए ल्याएका छन् ।
विद्यालयका प्रिन्सिपल सुरेन्द्र पाण्डेले उक्त उपलब्धिलाई ‘शिक्षा, अनुशासन र सामूहिक प्रतिबद्धताको उत्कृष्ट फल’ भनी उल्लेख गर्दै सम्पूर्ण अभिभावक, शिक्षक–कर्मचारी, व्यवस्थापन समिति, सञ्चालक तथा शुभेच्छुकहरूप्रति हार्दिक आभार व्यक्त गर्नुभएको छ ।
त्यस्तै, विद्यालयका प्रबन्ध निर्देशक रोमकान्त घिमिरे, अध्यक्ष नारायण पौडेलले विद्यार्थीहरुको यो उपलब्धिले शिक्षा क्षेत्रमा दीर्घकालीन संकल्प र समर्पणलाई थप उचाइ दिएको बताउनुभयो ।
