लुदस, कपिलवस्तु
कपिलवस्तुको बाणगंगा ४ गजेहडा स्थित बालज्योती ईङ्गलीश बोर्डिङ्ग स्कुल गजेहडाले माध्यमिक शिक्षा परीक्षा एसईई २०८१ मा उल्लेखनीय सफलता हासिल गरेको छ । परीक्षा सहभागिता जनाएका १२ जना सम्पूर्ण विद्यार्थी उत्तीर्ण भएका छन्, जसमा १ जना विद्यार्थी दर्शन पौडेलले सर्वोत्कृष्ट ३.९७ (४ जिपिएको नजिक) जिपिए हासिल गर्दै विद्यालयको शैक्षिक यात्रामा सफलता प्राप्त गरेका छन् ।

त्यस्तै ५ जना विद्यार्थीले ‘ए प्लस’, ५ जना विद्यार्थीले ‘ए’ र २ जना विद्यार्थीले ‘बि प्लस’ ग्रेड प्राप्त गरेका छन् ।

विद्यालयका प्रिन्सिपल सर्वेन्द्रदेव खनालले उक्त उपलब्धिलाई ‘शिक्षा, अनुशासन र सामूहिक प्रतिबद्धताको उत्कृष्ट फल’ भनी उल्लेख गर्दै सम्पूर्ण विद्यार्थी, अभिभावक, शिक्षक–कर्मचारी, व्यवस्थापन समिति, सञ्चालक तथा शुभेच्छुकहरूप्रति हार्दिक आभार व्यक्त गर्नुभएको छ ।