लुदस, कपिलवस्तु
श्री रिकोर्ट माध्यमिक विद्यालय शितगंगा १३ अर्घाखाँचीले यस वर्षको एसईइमा नगरपालिका भरिमै उत्कृष्ट नतिजा हासिल गर्न सफल भएको छ । सार्वजनिक भएको नतिजा अनुसार जेहेन्दार विद्यार्थी उषा अधिकारीले ३.०२ जिपिए हासिल गर्दै विद्यालयको शैक्षिक यात्रामा सफलता प्राप्त गरेकी छन् ।
यस्तै परिक्षामा सहभागी १२ जना विद्यार्थी मध्ये १० जना उतीर्ण भएका छन् ।
प्रतिशतको आधारमा ८३.३३ प्रतिशत विद्यार्थी उतीर्ण भएको विद्यालयका प्रधानाध्यापक सीता खत्रीले जानकारी दिदै विद्यालयले यस सफलतालाई ऐतिहासिक उपलब्धिका रूपमा लिएको बताउनुभयो । खत्रीले शिक्षकगण, अभिभावक र स्थानीय बासिन्दाहरूले विद्यार्थीहरूको अथक मेहनतप्रति हार्दिक धन्यवाद व्यक्त गर्नुभयो ।
प्रकाशित : २०८२ असार १४, शनिबार १८:४५
