हरि आचार्य, कपिलवस्तु
कपिलवस्तु जग्गा तथा आवास विकास संघले आफ्नो स्थापना दिवसको अवसरमा एक सामाजिक उत्तरदायित्व अन्तरगतको कार्य गरेको छ । कार्यक्रम अन्तर्गत वाणगंगा नगरपालिका–९ स्थित वैदिक संस्कृत विद्या पीठ गुरुकुलमा अध्ययनरत बटुक विद्यार्थीहरूलाई शैक्षिक सामग्री वितरण गरिएको छ । साथै बटुकहरूलाई विशेष भोजन सेवा पनि प्रदान गरिएको थियो ।
कार्यक्रमको व्यवस्थापन संघका अध्यक्ष विश्वराज पौडेल, उहाँकी धर्मपत्नी कमला पौडेल, तथा छोरा संजोग पौडेल (जो हाल क्यानाडामा बसोबास गर्नुहुन्छ) को सक्रिय पहलमा सम्पन्न भएको संघका अध्यक्ष पौडेलले जानकारी दिनुभएको छ ।
उक्त अवसरमा बोल्दै गुरुकुलका सल्लाहकार भीम प्रसाद सापकोटा र धामका अध्यक्ष शंकर प्रसाद आचार्यले कपिलधाम जस्तो पवित्र भूमिमा बटुक विद्यार्थी प्रति सहयोग र सद्भाव देखाएकोमा आयोजक संघ र पौडेल परिवारलाई हार्दिक धन्यवाद व्यक्त गर्नुभयौ । उहाँहरुलै गुरुकुल शिक्षाको संरक्षण तथा प्रवद्र्धनमा यस्तो प्रकारका कार्यक्रमहरूले सकारात्मक योगदान पु¥याउने विश्वास व्यक्त गर्नुभयो ।
कार्यक्रममा संघका सदस्यहरू रामप्रसाद भुसाल, सिद्धप्रसाद अधिकारी, प्रदीप बेल्बासे लगायतको उपस्थिति रहेको थियो ।
कार्यक्रमको सहजीकरण संघका सचिव शालिकराम आचार्यले गर्नुभएको थियो । संघका अध्यक्ष पौडेलले भविष्यमा पनि यस्ता सामाजिक तथा शैक्षिक सहयोग कार्यक्रमहरू निरन्तरता दिइने प्रतिबद्धता व्यक्त गरेका छन् ।
यस किसिमका कार्यहरूले समाजमा सकारात्मक सन्देश फैलाउने र धर्म, शिक्षा तथा संस्कृतिको संरक्षणमा टेवा पु¥याउने विश्वास लिइएको छ ।
