हरि आचार्य, कपिलवस्तु
‘द बुद्ध ल्याण्ड युवा क्लब’ बाणगंगा ५ कपिलवस्तुले आयोजना गरेको नकआउट नगर स्तरीय क्रिकेट प्रतियोगिता–२०८२ को उपाधी बाणगंगा ६ ले जितेको छ ।
“स्वास्थ्यका लागि खेलकुद, राष्ट्रका लागि खेलकुद” भन्ने नारासहित द बुद्ध ल्याण्ड युवा क्लबद्वारा आयोजित नकआउट नगर स्तरीय क्रिकेट प्रतियोगिता बाणगंगा नगरपालिका–५ स्थित खेलकुद मैदानमा सम्पन्न भएको हो ।
समापन कार्यक्रममा प्रमुख अतिथि बाणगंगा नगरपालिका उपप्रमुख रिताकुमारी चौधरीले खेलकुदले युवामा शारीरिक तथा मानसिक सशक्तिकरण गर्दै राष्ट्र निर्माणमा महत्वपूर्ण योगदान पु¥याउने भएकाले यसलाई निरन्तर अगाडि बढाउनुपर्नेमा जोड दिनुभयो ।
उक्त खेलमा सम्पन्न फाइनल खेलमा बाणगंगा वडा नं.६ प्रथम स्थान हासिल गरेको छ भने बाणगंगा वडा नं. ८ दोस्रो स्थानमा पुगेको छ ।
क्लबका अध्यक्ष काशिराम खनालको अध्यक्षतामा सम्पन्न कार्यक्रममा उहाँले खेलकुदले युवालाई अनुशासित, आत्मविश्वासी र सक्षम बनाउन मद्दत गर्ने भएकाले क्लबले निरन्तर यस्ता गतिविधि गर्ने प्रतिबद्धता व्यक्त गर्नुभयो । अध्यक्ष खनालले आगामी दिनमा क्लवले यस्तै खेलकुद प्रतियोगिता तथा युवा लक्षित कार्यक्रम गर्दै जाने बताउनुभयो ।
प्रतियोगिता सम्पन्न गर्न विशेष सहयोग गर्ने युवा संघका जिल्ला अध्यक्ष तिलक गिरी र समाजसेवी कृष्ण कार्कीप्रति धन्यवाद व्यक्त गरिएको थियो । उक्त कार्यक्रम समापन गर्न सहयोग गर्ने प्रेम थापालाई विशेष धन्यवाद दिनुभयो ।साथै कार्यक्रमको सञ्चालन समाजसेवी मधु पाण्डेले गर्नुभएको थियो ।
