लुदस,जितपुर ।
बिहान अरुले हातमुख धुँदैगर्दा सुदिप भुसालको दुध डेरीमा किसानहरु दुध लिएर आईपुग्छन् । कपिलवस्तु नगरपालिका–६ शिवपुरामा दुध डेरी, एग्रोभेट तथा भेटनरी पसल,कंक्रिट उद्योग र पुष्पनर्सरी एकसाथ गरेका कपिलवस्तुका २८ वर्षे भुसाललाई व्यवसायले राम्रो साथ दिएको छ ।
सामाजिक कार्यमासमेत सक्रिय भुसाल मेहनत गर्नेलाई अर्थोपार्जन गर्न विदेश जानुपर्दैन भन्ने लाग्छ । बिगत आठ वर्षदेखि उनले शिवपुरा आफ्नै घरमा एग्रोभेट तथा भेटनरी पसल सँगै दुध डेरी पनी संचालनमा ल्याएका छन् । व्यवसायमा प्रशस्त आम्दानी हुने भएकाले उनले परिवारसमेतलाई यही पेशामा आबद्ध गराए । हस्पिटलको जागिर गरेकी उनकी श्रीमतीले अहिले भुसालको व्यवसायमा साथ दिन थालिन् । गाउँका बेरोजगार र विदेश पलायन हुन थालेका युवालाई आफ्नै पसल तथा उद्योगमा रोजगार दिएको छु, भुसालले भने, स्वदेशमा परिश्रम गरे आम्दानी गर्न कठिन छैन ।
कृषि बजारमा थुप्रै सम्भावना छन् । विचौलियाका कारण किसान र उपभोक्ता मारमा परेको उनको गुनासो छ । किसानको मागलाई मध्यनगर गर्दे भुसालले आफ्नै दुधडेरी समेत सञ्चालनमा ल्याएका छन् । भुसाल एग्रोभेट तथा दुध डेरी र भुसाल कंक्रिट नामको उद्योग स्थापना गरेर उनले आफ्नै लगानीमा व्यवसाय थालेका हुन् । उनले दुधबाट कुल्पी,पनिर,दहि,घिउ,नौनी उत्पादन गरेर बिक्री गर्ने गर्दछन् । करिब १ बर्ष अगाडी शुरु गरेको कंक्रिट उद्योगबाट निर्माण गरिएका बेन्च,गमलाको पनी राम्रै बिक्रि भएको बताएका छन् ।
आमा बुबाले कृषि तथा पशुपालन क्षेत्रमा गरेको सङ्घर्षले उनलाई हौसला मिल्यो । अहिले उनले पुष्प नर्सरीको शुरुवात गरेका छन् । नर्सरीमा बिभिन्न प्रकारका फुल तथा तरकारीका बिरुवाहरु उत्पादन भैरहेको छ । उनी आफु भित्रको श्रम र सीपलाई परिश्रमको मोति मानेर स्वदेशमा नै रोप्यो भने अबश्य फल्दछ । चितवनबाट कृषि पशु प्राबिधिक अध्ययन गरेर आएका भुसाल भन्छन् दिदि भिनाजुको अभिभावकत्व र प्रेरणाले गर्दा आज यो स्थानमा आएको छु । आगामी दिनमा पनी उहाँहरुकै साथ, सहयोग र सल्लाहले अगाढी बढ्ने उनले बताए ।
