हरि आचार्य, कपिलवस्तु
कपिलवस्तुको बाणगंगामा हुने ‘प्रथम कपिलवस्तु कृषि, पर्यटन तथा औद्योगिक प्रदर्शनी–२०८२ को तयारी तिब्र पारिएको छ । मंसिर ५ गते देखि १७ गते सम्म बाणगंगा ८ बोडगाउँको मायादेवी रङ्गशालामा पहिलो पटक उक्त महोत्सव आयोजना गरिएको आयोजक उद्योग व्यापार संघ, कपिलवस्तुले जनाएको छ । उक्त महोत्सवमा ३ सय ५० स्टल रहने छन् ।
यस अवधिमा स्थानीय संस्कृतिको संरक्षणका लागि विभिन्न सांस्कृतिक, कार्यक्रम, सामुदायिक एकता प्रवद्र्धन र पर्यटन विकासका लागि यस महोत्सवले भुमिका खेल्ने उद्योग व्यापार संघ कपिलवस्ततुका अध्यक्ष खिमानन्द पौडेल (कपिल) ले बताउनुभएको छ । यो स्थानमा पहिलो पटक महोत्सव लाग्ने भए पछि स्थानीय बासिन्दा उत्साहित भएका छन् ।
महोत्सवमा स्थानीय उत्पादन, हस्तकला, कृषि सामग्री, प्रविधि, घरेलु उद्योग, मनोरञ्जन तथा संस्कृतिको प्रदर्शनी गर्ने तयारी भइरहेको आयोजकले जनाएको छ। महोत्सवबाट स्थानीय उद्योगी, व्यापारी, किसान, उद्यमी तथा सर्वसाधारणबीच आपसी सहकार्य र सम्बन्ध सुदृढ हुने विश्वास राखिएको छ ।
