राम बहादुर गन्धर्व

कपिलवस्तुको कृष्णनगर नगरपालिका–५, पुरुषोत्तमपुरस्थित श्री जनता आधारभूत विद्यालयको विद्यालय व्यवस्थापन समितिको निर्वाचन सम्पन्न भएको छ। सोमबार विद्यालय परिसरमा सम्पन्न निर्वाचनबाट बदलु रैदास अध्यक्षमा निर्वाचित भएका छन्। उनले आफ्ना निकटतम प्रतिद्वन्द्वी मनोज जैसवाललाई १०९ मतान्तरले पराजित गर्दै १५० मत प्राप्त गरेका हुन्। निर्वाचनमा कुल २७१ मत खसेको थियो। निर्वाचनबाट समितिका सदस्यहरूमा सुनरा पासी (१४९), मन्टेश्वर प्रसाद मौर्य (१४६), शकुन्तला चमार (१४६), रामकुमार गुप्ता (१०५), बसोधरी मुराय (१०४) र नब्बुत खातुन (१०३) मत प्राप्त गर्दै निर्वाचित भएको विद्यालयले जनाएको छ। नवनिर्वाचित पदाधिकारीहरूलाई वडा अध्यक्ष सतिस कुमार हरिजन, वडा सदस्य गौरीशंकर हरिजन तथा दलित सशक्तीकरण समितिका अध्यक्ष डम्बर सिंह सुनारले बधाई तथा सफल कार्यकालको शुभकामना व्यक्त गरेका थिए। विद्यालय व्यवस्थापन समितिको नयाँ नेतृत्वले विद्यालयको शैक्षिक गुणस्तर अभिवृद्धि, भौतिक पूर्वाधार विकास तथा समग्र शैक्षिक वातावरण सुधारमा प्रभावकारी भूमिका खेल्ने अपेक्षा गरिएको छ।