लुदस,कपिलवस्तु ।
लक्ष्मणघाट सामाजिक विकास केन्द्रको चौथो साधारण सभा तथा दोस्रो अधिवेशन भोली शनिवार बाणगंगा ६ लक्ष्मणघाट बोलबममा हुने भएको छ । सामाजिक रुपान्तरका लागी हाम्रो अभियान भन्ने मुल नाराका साथ ४ बर्ष अगाडी बाणगंगा नगरपालिका वाड नं ६ भित्रका युवाहरुको सक्रियतामा स्थापना गरिएको सो संस्थाको अधिवेशनबाट आगामी ३ बर्षका लागी नयाँ नेतृत्व चयन गर्ने संस्थाका अध्यक्ष रन बहादुर काउचाले बताए ।
संस्थाले स्थापना काल देखी बिभिन्न किसिमका सामाजिक कामहरु गर्दे आइरहेको छ । यो अवधी सम्म आइपुग्दा संस्थाले ३ दिने पुर्णिमा मेला तथा विविधि साँस्कृतिक कार्यक्रम, कोभिड १९ सम्बन्धि जनचेतना मुलक कार्यक्रम, कोभिड संक्रमितहरुका लागी पोषण सामाग्री सहयोग, बिपन्न परिवारका लागी राहत बितरण कार्यक्रम, अन्र्तक्रिया कार्यक्रम, क्षमता विकास कार्यक्रम, हाजिरी जवाफ प्रतियोगिता, सरसफाई कार्यक्रम, बृक्षारोपण कार्यक्रम लगायतका बिभिन्न किसिमका कार्यक्रम गर्दे आइरहेको संस्थाका कोषाध्यक्ष सन्दिप न्यौपानेले बताए ।

संस्थाले बिभिन्न उप समिति गठन गरी आफ्ना गतिबिधिहरु अगाडी बढाएको संस्थाका कार्य समिति सदस्य अंजित खनालले जानकारी दिए । संस्थाले आगामी दिनमा अझ रचनात्मक र समय सापेक्ष खालका कार्यक्रम संचालन गर्ने लक्ष्य रहेको कार्य समिति सदस्य भोजराज बञ्जाडेले जानकारी दिए । संस्था दातृ निकाय मुखी भन्दापनी समसामहयिक बिषयबस्तुमा पैरवी ,वकालत र अभियान संचालनमा केन्द्रित रहेको कार्य समिति सदस्य बिरेन्द्र रेग्मीले जानकारी दिएका छन् ।

अवको नेतृत्व कार्य मुल्यांकनका आधारमा सर्व सहमतिबाट हुने संस्थाका अध्यक्ष काउचाले बताए ।