हरि आचार्य, कपिलवस्तु
नेकपा एमालेको भातृ संगठन राष्ट्रिय युवा संघ नेपालका केन्द्रिय सदस्य कमल क्षेत्रीले विजया दशमीको अवसरमा देशविदेशमा रहनुभएका सबैमा शुभकामना व्यक्त गर्दै सुख, शान्ति र समृद्धिको कामना गरेका छन् ।
बाणगंगा नगर कमिटि अध्यक्ष क्षेत्रीले विज्ञप्तिमार्फत विजया दशमीले सबैमा नयाँ उत्साह, उमङ्ग र सकारात्मक ऊर्जा थप्ने विश्वास व्यक्त गरेका हुन् । उनले कोरोना महामारीको सङ्क्रमणबाट जोगिन नेपाल सरकारले लागू गरेको जनस्वास्थ्यका मापदण्डको पालना गर्दै होसियारीपूर्वक दशैँ पर्व मनाउनका लागि पनि सबैमा आग्रह पनि गरेका छन् ।
दशैँ आश्विन महिनाको शुक्ल प्रतिपदाका दिनदेखि नवमीसम्म शक्तिको आराधना गरी विजया दशमीका दिन प्रसादस्वरूप मान्यजनहरूको हातबाट टीका, जमरा र आशीर्वाद ग्रहण गरी पूर्णिमासम्म विशेषरूपमा मनाउने चाड भएको उल्लेख गर्दै उनले नकारात्मक प्रवृत्तिका विरुद्धमा सकारात्मक प्रवृत्तिले विजय हासिल गरेको खुसीयालीमा मनाइने विजया दशमी पर्वको विशेष महत्व रहेको बताएका छन् ।
क्षेत्रीद्धारा जारि बिज्ञप्तीमा पार्टीका सम्पुर्ण नेता तथा कार्यकर्ता, शुभेच्छुक, समर्थक, बिभिन्न राजनितीक दल, तथा आम नेपाली जनमा सुख, शान्ति, सुस्वास्थ्य दिर्घायुका साथै चार्डले सबैमा आपसी भाईचारा, सद्भाव र सकारात्मक सोचको बिकास गरोस भन्दै शुभकामना व्यक्त गरिएको छ ।
नेकपा एमाले जनताको प्यारो पार्टी भएकाले आगामी दिनमा पार्टीले सुख र दुख दुबैमा सहकार्य गर्दै देश जनताको माझमा अझै सक्रियताका साथ अगाडी बढ्ने पनी क्षेत्रीद्धारा जारि बिज्ञप्तिमा उल्लेख गरिएको छ । राजनितिमा स्थिरता, गरिव विपन्नको साहारा र देशको समृद्धिका लागि नेकपा एमालेको विकल्प नरहेको समेत शुभकामना विज्ञप्तिमा उल्लेख छ ।
