हरि आचार्य, कपिलवस्तु
कपिलवस्तुको बाणगंगामा नगरपालिकामा तीव्र रुपमा विकास भइ सुबिधा सम्पन्न सिनेमा हल संचालनमा आएको छ । बाणगंगा नगरपालिका १ जितपुर राजमार्गको छेउमै रहेको ‘ओएसिस सिनेमाज’ ले यहाँका नागरिकमा नयाँ रौनक छाएको छ । ६ कट्ठा क्षेत्रफलमा सिनेमा हल सञ्चालन गर्ने गरि नै निर्माण गरिएको सुबिधा सम्पन्न भौतिक संरचना साच्चिकै मनमोहक छ । यद्यपि ‘ओएसिस सिनेमाज’ यहि फागुन १७ गते शिवरात्रीका दिन औपचारीक उद्घाटन हुने भएको छ । एक पत्रकार सम्मेलनको आयोजना गरि भब्यताका साथ उद्घाटन गर्ने सञ्चालक संजय पाण्डे र रामु तामाङले लुम्बिनी दर्पणलाई जानकारी दिनुभयो ।
राजमार्गको छेउमै रहेको ‘ओएसिस सिनेमाज’ को निर्माणको सबै काम सकिएको सिनेमाका सञ्चालक नविन भण्डारीले जानकारी बताउनुभयो ।
निर्माण कार्य सम्पन्न भए पनि कोरोनाका कारण रोकिएको र अब पुनः ब्यवस्थि रुपमा संचालक गर्ने सञ्चालकहरुले बताएका छन् ।
गास, बास, कपास र जस्तै मनोरञ्जन पनि मानिसको आधारभूत आवश्यकता जस्तै भएकाले चलचित्र पनि मनारञ्जनकै एक अंग भएकाले सबैबाट साथ र सहयोग पाइने सञ्चालक भण्डारी बताउनु हुन्छ । तीन जनै युवाहरु उच्च तहको अध्ययन सकेर स्वदेशमै केही गरौँ भनेर नयाँ विजनेश सुरु गरेको उहाँले बताउनुभयो ।
अहिले एउटा हलमा १ सय ७१ र अर्को हलमा १ सय ३३ गरि ३ सय ४ जनाले एकै पटक हेर्न मिल्ने सुबिधा सम्पन्न हलको ब्यबस्था रहेकाले निकै मनमोहक देखिन्छ ।
जग्गा बाहेक ६ करोडको लगानीमा निर्माण भएको उक्त सिनेमाले सुबिधा सम्पन्न रेष्टुरेण्ट समेत सञ्चालन गरि जम्मा ११ जनालाई रोजगारी समेत दिएको छ ।
यहि शुक्रवार देखि ‘म यस्तो गीत गाउँछु–२’, गंगु भाई कलियावडी तथा भ्यालीमाई जस्ता नेपाली तथा हिन्दी चलचित्रहरु प्रदर्शन हुने भएकाले चलचित्र हेर्नका लागि स–परिवारलाई ‘ओएसिस सिनेमाज’ परिवारले निमन्त्रणा गरेको छ ।
सुबिधा सम्पन्न हल, काउण्टर, प्रवेशद्धार, कम्पाउण्डको सम्पुर्ण काम सकिएको छ भने पार्किङको पनि सुरक्षित र सुब्यबस्थित व्यबस्था रहेको छ । टिकट घर पनि बनिसकेकोले छिटो भन्दा छिटो अवलोकनका लागि जानै पर्ने संरचना बनेको छ ।
यो चलचित्र हल कपिलवस्तुकै सुविधासम्पन एक मात्र हल हुनुका साथै नेपालमै राम्रो सिनेमा हलको सुचिमा पर्ने सिनेमा हाल हो । यो सिनेमाहल सञ्चालन भएसंगै यस क्षेत्रका नागरिकलाई बुटवल र काठमाण्डौँ जानुपर्ने समस्या अन्त्य भएको स्थानीयले बताउँछन् ।
यस हलको सबैभन्दा राम्रो विशेषता भनेको भौतिक संरचना र ध्वनी हो । सञ्चालक भन्नुहुन्छ, हामीले लुम्बिनी प्रदेशमै राम्रो खालको भवनको संरचना बनाएका छौँ र उच्च प्रविधिको साउण्ड दिने ब्यबस्था गरेका छौँ । यहाँ ७ दशमलव १ श्रावण्ड साउण्ड प्रविधि छ । जुन दर्शकलाई पृथक लाग्ने छ । यसले कानमा पनि कुनै असर गर्दैन ।’
हलको अर्को विशेषता भनेको एकैपटकमा २ चलचित्र हेर्न पाइनु हो । अर्थात् हलमा एकैपटक २ स्क्रिन डिस्प्ले हुनेछन् । एक हलमा १ सय ७१ र अर्कोमा १ सय ३३ जना गरी एक ‘शो’ मा ३०४ जना दर्शकले चलचित्र हेर्न सक्ने छन् ।
