लुदस , जितपुर
कपिलवस्तुको ४ नं जितपुर स्थित १२ औं कपिलवस्तु महोत्सव एवम् कृषि, पर्यटन तथा औधोगिक प्रदर्शनीमा दर्शकको दिनप्रतिदिन उत्साह बढ्दै गएको छ । महोत्सव संचालनको मिति सकिनै लाग्दाँ दर्शकको दिनप्रतिदिन उत्साह बढ्दै गएको हो । महोत्सवमा प्रचण्ड गर्मीका बाबजुत थप उत्साह छाउँदै गएको महोत्सवका संयोजक समेत रहेका कपिलवस्तु उद्योग बाणिज्य संघका अध्यक्ष डोलकराम घिमिरेले बताए । महोत्सव कपिलवस्तुलाई संसारभर चिनाउन महत्वपूणर् सावित भईरहेको आयोजकको भनाई छ ।

आज शनिबार विदाको दिन चर्चित लोक तथा दोहोरी गायक प्रकाश सपुत, आधुनिक गायक रमेशराज भट्टराई, बाल बलाकार जिया भूसाल, लोक दोहोरी गायक चन्द्र शर्मा, लोक दोहोरी गायीका आशा वि.सी., हास्यकलाकार सुमित घिमिरेसहित स्थानीय कलाकारको बेजोड प्रस्तुति रहने कपिलवस्तु उद्योग बाणिज्य संघका वरिष्ठ उपाध्यक्ष तथा महोत्सवका निर्देशक छवि रेश्मी मगरले बताए ।
यस्तै आज १० औं कपिलवस्तु डान्स आईडलतर्फ ६ जना प्रतियोगीहरुले नृत्य प्रस्तुत गर्ने डान्स आइडल संयोजक बिरेन्द्र खाँणले जानकारी दिएका छन् । प्रतियोगिताबाट बाहिरिनेलाई आयोजकले सम्मान स्वरुप प्रसंशा पत्र प्रदान गर्दै आएको छ । प्रतियोगी भोटिङ र जजहरुको मूल्याङ्कनका आधारमा प्रतियोगिताबाट बाहिरिने छन् । भोली समापन हुने भएसंगै डान्स आईडियललाई विशेष चर्चाका साथ हेरिएको छ । भोली महोत्सवले १० औ डान्स आईडियल घोषणा हुने गर्ने हुदाँपनी आजको मत परिणाम टिकट भोट, निकै महत्वपुणर् रहेको बताईएको छ ।

‘साम व्यवसायी समृद्ध राष्ट्र र स्वाधिन अर्थतन्त्र’ भन्ने मुल नाराका साथ महोत्सव चैत्र ३ गतेदेखि सुरु भएको हो । महोत्सव चैत्र १३ गतेसम्म बाणगंगास्थित बुद्ध रंगशालामा चल्ने छ । महोत्सवमा करिब २ लाख बढी दर्शकले अवलोकन गर्ने आयोजकले दाबी गर्दै आएको छ भने ५ करोड बराबरको कारोबार गर्ने लक्ष्य लिएको छ ।