हरि आचार्य, कपिलवस्तु
कपिलवस्तुको बाणगंगा नगरपालिकाका प्रमुख प्रशासकिय अधिकृत टेकराज पन्थीको कार्यकुशलता उत्कृष्ट देखिएको छ । हालै सम्पन्न स्थानीय तह निर्वाचनको बेला जनप्रतिनिधि नभएको समयमा नगरपालिकाले नगरवासीलाई दिने सेवा सुविधामा कुनै कमि नगर्नुभएका कार्यकारी पन्थीले जिल्लाका १० वटै स्थानीय तहमा भन्दा बाणगंगा नगरपालिकामा उत्कृष्ट काम गर्नुभएको छ । नवनिर्वाचित जनप्रतिनिधिहरुको शपथ ग्रहण, पदभार ग्रहण, बधाई तथा शुभकामना ज्ञापन त्यतीमात्रै नभई नवनिर्वाचित जनप्रतिनिधिहरुको विदाई कार्यक्रम छोटो समयमै गरेर उत्कृष्ट कार्यकारीको परिचय दिन सफल हुनुभएको छ ।
जिल्लाका कुनै स्थानीय तहमा मतगणना जारी, मतगणना सकिएपनि पदभार ग्रहणको काम मात्रै सकियो तर बाणगंगाका ११ वटै वडामा सम्पुर्ण जनप्रतिनिधिहरुले पदभार समेत ग्रहण गरिसके जुन कार्यकारी पन्थीको सक्रियताले भएको हो । पन्थी बाणगंगामा आएसंगै कर्मचारी ब्यबस्थापनमा उत्कृष्ट योगदान देखिएको छ ।
कर्मचारीहरुको कार्यमा शिघ्रता, सेवाग्राहीलाई दिईने सेवा सुविधामा सहजता ल्याउनका लागि लागिपर्नुभएका प्रमुख प्रशासकिय अधिकृतसंग लामो कार्यकुशलताको अनुभव रहेको छ ।
