लुदअ रुपन्देही, असार १३
रुपन्देहीको सैनामैना नगरपालिकाले नगरको उत्कृष्ट विद्यालयलाई सम्मान गरेको छ । नगरपालिकाले ७ औँ नगर सभाको अवसरमा सैनामैना पर्रोहा परमेश्वर माध्यमिक विद्यालयलाई नगरकै उत्कृष्ट विद्यालयको रुपमा सम्मान गरिएको हो । सम्मान गर्दै विद्यालयलाई रु ५ लाख नगद पुरस्कार, दोसल्ला र प्रमाण पत्र द्धारा सम्मान गरिएको हो ।
त्यसैगरी सोहि विद्यालयका नेत्रलाल पुरीलाई १० हजार नगद, दोसल्ला र प्रमाण पत्र सहित उत्कृष्ट प्रधानाध्यापकको रुपमा सम्मान गरिएको नगरपालिकाले जनाएको छ । नगर सभामै उत्कृष्ट विद्यालय र प्रधानाध्यापकलाई सैनामैनाका नगर प्रमुख चित्र बहादुर कार्की र उप प्रमुख बिना रानाले सम्मान गरेका हुन् ।
नगरमै उत्कृष्ट विद्यालयको रुपमा सम्मान पाउँदा थप हौसला थपिएको भन्दै प्रधानाध्यापक नेत्रलाल पुरीले आगामि दिनमा पनि विद्यार्थीहरुको शैक्षिक भविष्य उज्जवल बनाउने बताए । उनले विद्यालयको शैक्षिक गुणस्तरमा सधै ध्यान दिने प्रतिबद्ध बद्धता व्यक्त गरे ।
त्यस्तै नगरकै उत्कृष्ट शिक्षकको रुपमा सोहि विद्यालयकी शिक्षिका राधा रानी घिमिरे सम्मानित भएकी छन् । उनलाई नगद रु १० हजार, दोसल्ला र प्रमाण पत्रले सम्मान गरिएको हो ।
उनले उतकृष्ट शिक्षकको रुपमा सम्मान पाउदा थप हौसला बढेको भन्दै आगामी दिनमा शैक्षिक क्षेत्रमा थप योगदान गर्ने बताईन् ।
