लुदअ,तौलिहवा । यशोधरा गाउँपालिकामा सरुवा भई आएका प्रमुख प्रशासकीय अधिकृत रामचन्द्र ढकाललाई गाउँपलिकामा स्वागत गरिएको छ । गाउँपालिकाका अध्यक्ष शिव दयाल तिवारी, उपाध्यक्ष गुन्जा देवी मौर्य, निमित्त कार्यालय प्रमुख अब्दुल सलाम लगायतका कर्मचारी तथा जनप्रतिनिधीहरुले प्रमुख प्रशासकीय अधिकृत ढकाललाई स्वागत गरेका हुन् ।
ढकाल यसा गाउँपालिकामा तेस्रो पटक सरुवा भई आएका हुन् । स्थानिय तहमा लामो अनुभव संगालेका शान्त, शालीन तथा सवै सँग मिल्न सक्ने हाकिमका रुपमा परिचित ढकाललाई गाउँपालिकाका अध्यक्ष लगायतका पदाधिकारीहरुले पालिकाको प्रमुखको पदका लागि सहमति दिएका हुन् ।
सो अवसरमा प्रमुख प्रशासकीय अधिकृत ढकालले आगामी आफ्नो कार्यकालमा जनप्रतिनिधी, कर्मचारी, राजनैतिक दलका नेता तथा गाउँपालिकावासीसंग समन्वय गरेरै आफु अघि बढ्ने प्रतिवद्धता जनाएका छन् । अधिकृत ढकालले यस अगाडी साविकको शिक्षा कार्यालय,जिल्ला विकास समिति,बाणगंगा नगरपालिका,मायादेवी गाउँपालिका,कृष्णनगर नगरपालिका,जिल्ला समन्वय समिति कपिलवस्तुका काम रही कार्य सम्पादन गरिसकेका छन् ।
कार्यक्रम गाउँपालिकाका प्रशासन शाखा प्रमुख रेशम राज शर्माले संचालन गरेका थिए ।
