हरि आचार्य कपिलवस्तु, चैत १६
कोराना भार्ईरस (कोभिड १९) को संक्रमण विश्व महामारीको रुपमा फैलिरहेको अवस्थामा सरकारले लकडाउन घोषणा गरे संगै कपिलवस्तुको वाणगंगा नगरपालिका वडा नंं.११ का विपन्न परिवारलाई वडाको पहलमा कोरोनाबाट बच्न माक्स तथा खाद्यान्न वितरण गरिएको छ । वडा नं. ११ भडसडवाको मौवारी टोलका ३५ घर परिवारका करिब २ सय जनालाई माक्स वितरण गरिएको छ । त्यस्तै लकडाउनको यो विषम परिस्थितीमा वडावासी कोहि पनि भोकै बस्न नपरोस् भन्ने उद्देश्यले दलित बस्तीका अति गरिव, विपन्न तथा दैनिक मजदुरी जीवन निर्वाह गरिरहेका ५ घरपरिवारलाई खाद्यान्न स्वरुप एक टोल विकास संस्थाका अध्यक्ष नाम देव भट्राईको आर्थिक सहयोगमा चामल, तेल, दाल, नुन र तरकारी वितरण गरिएको वडाअध्यक्ष सोमनाथ अर्यालले बताएका छन् ।

लकडाउनको अवस्थामा वडाले गरिव तथा विपन्न वर्गहरुको घाउमा मलम लगाएको छ । त्यस्ता परिवारहरुको विवरण संकलन भईसकेकोले अन्य परिवारलाई पनि निरन्तर रुपमा घरमै पुगेर वितरण गरिने वडाअध्यक्ष अर्यालले बताए । त्यस्तै वडाले कोरोना भाईरसको विपत्ति मुलुकमै नआवोस भन्दै सचेत गराउदै वाणगंगा नगरका ११ वटै वडामा तत्काल बिदेश बाट आएका कति? दैनिक मजदुरी गरि जिबीकोपार्जन गर्ने कति ? हरेक वडामा क्वारेन्टाईन राखी यस्को ब्यवस्थापन कसरी गर्न सकिन्छ ? राहतलाई कसरी व्यवस्थित रुपमा व्यवस्थापन गर्ने ? जस्ता चुनौतिका वाबजुत पनि वडा नं. ११ ले सबै बस्तिबाट उल्लेखित बिषयको तथ्यांक लिई नगरपालिकामा बुझाई सकेको बताईएको छ ।

त्यस्तै स्काई लार्क माध्यमिक विद्यालय ओदारीमा चार वेडको क्वारेन्टाइन स्थापना गरि सकेको वडाअध्यक्ष भुसालले जानकारी दिएका छन् । वडाले विभिन्न देशहरुमा वैदेशिक रोजगारीमा गएर फर्किएका व्यक्तिहरुलाई क्वारेन्टाईनमा राख्नका लागि विवरण संकलन गर्ने कार्य गरिरहेको छ ।