थानेश्वर अधिकारी,पोखरा ।
कोरोना भाइरसले निम्त्याएको संकटको बेला पोखरा महानगपालिका ३३ भरतपोखरीमा रहेको गैर सरकारी संस्था भरतपोखरी विकास मञ्चको सक्रियतामा गाउँ टोल सरसफाई तथा मास्क वितरण कार्यक्रम सम्पन्न गरेको छ ।
कोरोना महामारीका कारण समुदायमा सचेतना र सर्तकता अपनाउन जरुरी देखिएको छ । संकटको बेला भाग होइन भुमिका खोजौ भन्ने भनाइलाई आत्मसाथ गर्दे सस्थाले स्थापना काल देखी बिबिध किसिमका जनचेतनामुलक कार्यक्रमहरु संचालन गर्दे आइरहेको छ ।
कार्यक्रममा प्रमुख अतिथि वडा नम्बर ३३ का अध्यक्ष शिवप्रसाद आचार्यले कोरोना संक्रमण तीव्र गतिमा बढेको भन्दै नियमित मास्क प्रयोग गर्न र सजग रहन जन समुदायलाई आग्रह गरेका छन् । सकेसम्म घरबाट बाहिर ननिस्कन र निस्किएको अवस्थामा मास्क, सेनिटाइजर लगायतको प्रयोग गर्न अनुरोध गरेका छन् । घर वरपर नियमित रुपमा सरसफाई गर्न सके धेरै रोगबाट बच्न सकिने वडाध्यक्ष आचार्यको भनाइ रहेको छ ।
कोरोना भाइसरको संक्रमणबाट बच्न सबैलाई सचेत रहन आग्रह गर्दे सबै जनाले व्यक्तिगत घरायसी तथा वाताबरणीय सरसफाइमा समेत ध्यान दिनुपर्ने भरत पोखरी विकास मञ्चका अध्यक्ष डिल्लीराम बरालको भनाइ रहेको छ । साथै यस्ता कार्यक्रमलाई अभियानकै रुपमा संचालन गरिने अध्यक्ष बरालले बताए ।
कार्यक्रममा करिब ३ सय थान मास्क समेत वितरण गरिएको उक्त कार्यक्रममा भरतपोखरीको माछापुच्छे« टोल विकास संस्था, बालादेवी टोल विकास संस्था, अन्नपूर्ण टोल विकास संस्था, दुवार टोल विकास संस्था, समाज सुधार आमा समूह लगायत अन्य संघसंस्थाको सहभागिता थियो ।
