रूपन्देहीको देवदहमा भएकाे बी लेभल पुरूष भलिवल प्रतियोगिताको उपाधी मुर्गिया स्पाेर्टस क्लब सैनामैनाले पाएकाे छ । “स्वास्थ्यका लागि खेलकुद, राष्ट्रका लागि खेलकुद” भन्ने मुल नारा सहित मुढावास यूवा क्लबको आयोजनामा चैत्र ४ गते देखि भएकाे खेलकाे साेमबार भएकाे फाईनल खेलमा मुर्गिया स्पाेर्टस क्लबले न्यू हाेराईजन स्पाेर्टस क्लब बुटवललाई ३०/२८,२७/२५ र २५/२१ काे साेझाे सेट ३-० ले हराउँदै मुर्गिया स्पाेर्टस क्लबले उपाधी चुमेकाे हाे । उक्त खेलमा मुर्गिया स्पाेर्टसका आयुष थापा मगर वेस्ट लिब्राे र हिमाल थापा मगर वेस्ट प्लेयर तथा न्यू हाेराईजनका साैरभ गुरूङ्ग वेस्ट सेटर भएकाे खेलका अफिसियल प्रताव खवासले जानकारी दिनु भयाे । यस अघि तेस्रो स्थानकाे लागि भएकाे खेलमा गाैतम ब्रदर्शले आयाेजक मुढावास युवा क्लबलाई ३-२ काे सेटले हराउँदै तेस्राे भएकाे मुढावास युवा क्लबका अध्यक्ष पुरन सिं सलामीले जानकारी दिनु भयो । देवदह नगरपालिका वडा नं. १० तथा त्रिशुली सामुदायिक वनको आर्थिक सहयोगमा प्रतियोगितामा सम्पन्न भएकाे हो । सुमन तरामीको अध्यक्षता तथा होम बहादुर सलामीको संचालनमा भएको कार्यक्रममा कार्यपालिका सदस्य कुमार परियार, वडा नं. १० का वडा सदस्यद्वय अमर लामिछाने, भविलाल थापा, जनकल्याण आधारभुत विद्यालयका अध्यक्ष भक्त बहादुर सलामी,मुढावास टोल विकास संस्थाका अध्यक्ष रूद्र बहादुर सलामी, लाली गुराँस आमा समुहकी अध्यक्ष मनु सलामी,हिमाल मल्ल, लगायतको उपस्थित रहेको थियाे ।
