लुदस,जितपुर । बाणगंगा नगरपालिका–८ निवासी लेखनाथ घिमिरेले आफ्नी श्रीमती तुलसा घिमिरेको जन्मदिनलाई सामाजिक सेवासँग जोड्दै उदाहरणीय कार्य गरेका छन्।
मंगलबार परेको जन्मदिनको अवसर पारेर उनले कपिलवस्तु बालगृहमा रहेका बालबालिकाहरूलाई एक छाक ननभेज खाना तथा फलफूल वितरण गरेका हुन्।
व्यक्तिगत खुशीलाई समाजसँग बाँड्ने उद्देश्यले गरिएको यस कार्यले सकारात्मक सन्देश दिएको छ। घिमिरेले यस्ता सामाजिक कार्यलाई आगामी दिनमा पनि निरन्तरता दिने बताए।
बालगृहका बालबालिकाहरूले भोजन तथा फलफूल पाएपछि खुशी व्यक्त गरेका थिए। यस्ता मानवीय कार्यहरूले समाजमा सहयोग र सद्भावको भावना अभिवृद्धि हुने अपेक्षा गरिएको छ।
प्रकाशित : २०८३ बैशाख १६, बुधबार ८:२०
