कोपवा । बिहीबार साँझ करिब ५ बजेको समयमा सिमलखोर क्षेत्रमा एक महिलाको सुनका गरगहना चोरी भएको घटना सार्वजनिक भएको छ। स्थानीय डिलमाया पौडेलको करिब ५ तोला बराबरको सुनको सिक्री तथा हातमा लगाएको बाला चोरी भएको ऋषिराम गैरेले जानकारी दिएका छन्।
गैरेका अनुसार ५ जनाको समूहमा आएका अपरिचित व्यक्तिहरूले सुरुमा भाडाकुँडा सफा गरिदिने भन्दै घरमा प्रवेश गरेका थिए। त्यसपछि उनीहरूले सुनका गरगहनासमेत सफा गरिदिने बहाना बनाएर गरगहना लिएर फरार भएका हुन्। घटनापछि पीडित परिवारले प्रहरी चौकी कोपवामा उजुरी दिएको जनाएको छ। घटनाबारे प्रहरीले अनुसन्धान अघि बढाएको बताइएको छ।
प्रकाशित : २०८३ बैशाख २५, शुक्रबार १०:१३
