जितपुर (कपिलवस्तु) ।
राष्ट्रिय लोक भजन चुड्का संरक्षण प्रतिष्ठान, लुम्बिनी प्रदेशको पद हस्तान्तरण तथा प्रदेश कार्यालय उद्घाटन कार्यक्रम आज कपिलवस्तुको नयाँ गाउँस्थित मुक्तिनाथ धाममा सम्पन्न भएको छ।
प्रतिष्ठानको गत जेठ २३ गते बुटवलमा सम्पन्न दोस्रो प्रदेश अधिवेशनबाट निर्वाचित रामबहादुर ओली नेतृत्वको नयाँ प्रदेश कार्यसमितिलाई पद हस्तान्तरणसँगै निर्वाचित प्रमाणपत्र प्रदान गरिएको थियो।
कार्यक्रममा प्रतिष्ठानका केन्द्रीय अध्यक्ष नारायण लेकाली प्रमुख अतिथि रहेका थिए। साथै केन्द्रीय उपमहासचिव नारायण भुसाल,केन्द्रिय सदस्य तथा लुम्बिनी प्रदेश इन्चार्ज केदार सापकोटा, केन्द्रिय सदस्य कृष्ण आचार्य,दयाराम न्यौपाने, निवर्तमान प्रदेश अध्यक्ष काशीराम पोखरेल लगायतको विशेष उपस्थिति रहेको थियो।
प्रतिष्ठानकी निवर्तमान प्रदेश उपाध्यक्ष तुल्सा नेपालले स्वागत मन्तव्य व्यक्त गरेकी थिइन् भने कार्यक्रमको सञ्चालन प्रदेश महासचिव टुकराज पाण्डेले गरेका थिए।
सोही अवसरमा मुक्तिनाथ धाम, नयाँ गाउँमा राष्ट्रिय लोक भजन चुड्का संरक्षण प्रतिष्ठान, लुम्बिनी प्रदेशको प्रदेश कार्यालयको समेत उद्घाटन गरिएको आयोजकले जनाएको छ। कार्यक्रममा वक्ताहरूले नेपाली लोक भजन–चुड्का कला, संस्कृति र मौलिक परम्पराको संरक्षण, प्रवर्द्धन तथा पुस्तान्तरणमा प्रतिष्ठानले अझ प्रभावकारी भूमिका खेल्ने विश्वास व्यक्त गरेका थिए।
