लुदअ कपिलबस्तु मंसिर २१
कलिवस्तुको बाणगंगा नगरपालिका वडा नं. ४ वडा बाल सञ्जालको आयोजनामा लैंगिक हिंसा विरुद्धको १६ दिने अभियान अन्तरर्गत वडा नं. ४ का बालबालिकाहरुले र्याली गरेका छन् । बालबालिकाहरुले वडा कार्यालयबाट निस्केको र्याली तिनकुने चोक हुदै गजेहडा बजार परिक्रमा गरी पुनः वडा कार्यालयमा पुगी र्याली कोणसभामा परिणत भएको थियो ।
र्यालीमा बालबालिकाहरुले बाल अधिकार सुनिश्चित गर, हत्या हिंसा बन्द गर, बलात्कारीलाई फांसी दे लगाएका नारा लगाएका थिए भने पम्पप्लेट समेत बोकेका थिए । सो कार्यक्रममा वडा अध्यक्ष गणेश बहादुर क्षेत्रीले बोल्दै बालबालिका माथि हुने दुव्र्यबहार, हत्या, हिंसा न्युनिकरणका लागि सबै अभिभावक सचेत हुन आबश्यक भएको बताए । बालबालिका भविष्यको कर्णधार रहेको हुँदा बालबालिका सचेत भए हिंसाका घटनाको अन्त्य हुने बताउँदै बालबालिकालाई सचेत बनाउन वडाले बिभिन्न कार्यक्रम संचालन गर्ने बताए ।
यस्तै कार्यक्रममा वडा महिला सदस्य इन्दीरा पन्त, टोल विकास संस्थाका भोजराज आचार्य, पत्रकार महासंघका उपाध्यक्ष पावती पाण्डे लगाएतले बोल्दै बालबालिकाहरुलाई सचेत गराउन सक्ने हो भने अबका दिनमा हिंसालाई न्युनिकरण गर्न सकिने बताएका छन् । वडा बाल संजाललाई सक्रिय बनाउन वडाले महत्वपूर्ण भुमिका खेल्न आबश्यक रहेको बताए ।
कार्यक्रम वडा बाल संजालकी अध्यक्ष सविना थापाको अध्यक्षता, उपाध्यक्ष करुण घिमिरेको स्वागत मन्तव्य तथा सचिव सृष्टि भुर्तेलको संचालनमा सम्पन्न भएको थियो । उक्त कार्यक्रममा वडा अध्यक्ष , वडा सदस्य, टोल बिकास सस्थाका पदाधिकारीहरु , वडा सचिव , सुरक्षाकर्मी , पत्रकार र उल्लेख्य बालबालिकाहरुको सहभागिता रहेको थियो ।
