लुदअ कपिलवस्तु, मंसिर ३०
इन्सेक कपिलवस्तुको आयोजनामा मङ्सिर ३० गते तौलिहवामा नेपाल मानव अधिकार वर्ष पुस्तक २०२१ प्रकाशन पूर्व समीक्षा कार्यक्रम सम्पन्न भएको छ ।
इन्सेक जिल्ला प्रतिनिधि पार्वती आचार्यले २०२० जनवरीदेखि डिसेम्बर १४ सम्म सङ्कलन गरिएका घटनाहरू प्रस्तुत गर्नु भएको थियो । जिल्लामा यस अवधिमा १ सय ६५ वटा घटना अभिलेख गरिएका छन् । जसमा ९३ महिला र ५१ बालबालिका पीडित भएका छन ।
कार्यक्रमका प्रमुख अतिथी एव प्रमुख जिल्ला अधिकारी दिर्गनारायण पौडेलले इन्सेकले पुस्तक प्रकाशन पुर्ब समिक्षा गरेकोले पुस्तक सत्यतथ्य प्रकाशन हुने बताउनु भएको छ । राज्यका निकायले गर्ने काम कारवाहीको इन्सेकले वाचडकको रुपमा हेर्नु पर्ने बताउदै वर्ष पुस्तकमा आउने विषयवस्तु सन्तुलित र सबै पक्ष समेनु पर्ने सुझाव दिनु भयो ।
यस्तै सहायक प्रमुख जिल्ला अधिकारी गणेश नेपालीले वर्ष पुस्तक पुस्तकमात्र नभई मानव अधिकारका लागि निरन्तरको अभियान भएको भन्दै बर्ष पुस्तकमा महिला बालबालिका जेष्ठ नागरिक अपागंता र पछाडी पारिएको समुदायका विषय पनि उल्लेख गर्नुपर्ने सुझाव दिनु भयो । यस्तै एसपी नवराज अधिकारीले कोभिड १९ को बेला अग्रपगिंमा खटने प्रहरीले भोगेका समस्या पनि वर्ष पुस्तमा समेटनु पर्ने बताउनु भयो । एसपी अधिकारीले बढी घटना हुने सवारी दुर्घना र आत्म हत्यालाई पनि मानवअधिकार वर्ष पुस्तकमा समावेश हुनु पर्ने सुझाव दिनु भयो ।
यसैगरी जिल्ला सरकारी वकिल रत्न प्रकास गिरीले बर्ष पुस्तकमा प्रकाशन हुने घटना पुर्ण रुपमा प्रकृयागत रुपमा आउनु पर्ने सुझाव दिनु भयो । यस्तै कारागार कार्यालयका प्रमुख राकेश पाण्डेले कारागारका थुनुवा बन्दीहरुको अवस्था पनि वर्ष पुस्तकमा समावेश गर्नु पर्ने भन्दै क्षमता भन्दा बढी बन्दीकैदी रहदा खानेपानी सौचालय आदीको समस्या रहेको बताउनु भयो । समिक्षा कार्यक्रममा जिल्ला समन्वय समितीका अधिकारी भुमिराम पोखरेल, अनुसन्धान कार्यालयका इन्स्पेक्टर महेशराम चौधरी ,जिल्ला कानुनी सहायता समितिका कार्यालय सचिव राजु कुमार श्रीवास्तव, जवाफदेही निगरानी समुहका संयोजक राम दयाल ठाकुर , गैसस महासघका अध्यक्ष प्रविण कुमार श्रीवास्तव, माहुरीहोमकी कार्यकारी निर्देशक लक्ष्मी श्रेष्ठ, मानवअधिकार समुहका सदस्य पशुपतिमणी त्रिपाठी लगाएतले सुझाव दिनु भएको थियो ।
समिक्षा कार्यक्रम मानवअधिकार निगरानी समुहका संयोजक पुस्पा रेग्मीको अध्यक्षता इन्सेक सहजकर्ता नन्दराम पौडेलको सहजी करणमा सम्पन्न भएको थियो ।
