मानवअधिकार तथा शान्ति समाज कपिलवस्तुको तेस्रो साधारण सभा तथा दोस्रो अधिवेशन एवं अन्तर सम्वाद कार्यकम मिति २०७७ माघ १७ गते पिस हिमालयन रिसोर्ट ठाक्रापुरमा सम्पन्न भयो । दुई सत्रमा सञ्चालन भएको कार्यक्रम पहिलो सत्र खुल्ला सत्र र दोस्रो सत्र वन्द सत्र र आगामी नेतृत्व चयनमा केन्द्रित भएको थियो । सो कार्यकममा प्रदेश सभा सदस्य विस्नु पन्थी, रिना नेपाल, जिल्ला समन्वय समिति उप संयोजक तारावती चौधरी, मानवअधिकार तथा शान्ति समाजका केन्द्रिय सदस्य कृष्ण पंगेनि, प्रेस युनियन जिल्ला अध्यक्ष, पत्रकार महासंघका जिल्ला सचिव, शिक्षक महासंघ जिल्ला अध्यक्ष, शिक्षक संघ नगर अध्यक्ष, पत्रकार, समाजसेवि, बुद्धिजीवि, प्रध्यापक, शिक्षक, अधिकार कर्मि लगायत उल्लेख्य रुपमा विभिन्न व्यक्तिहरुको सहभागीता रहेको थियो ।
मानवअधिकार तथा शान्ति समाजका सभापती गोविन्द पोख्रेलको अध्यक्षता, लुम्विनि प्रदेशका प्रदेश सभा सदस्य विस्नु पन्थीको प्रमुख आतिथ्यता, संस्थाका सचिव भरतराज न्यौपानेको सञ्चालन तथा संस्थाका सदस्य माधव घिमिरेको स्वागत मन्तव्यमा सम्पन्न कार्यक्मा मानवअधिकार तथा शान्ति समाजका सभापति गोविन्द पोख्रेल ले समाजले गरेका काम र आगामी दिनमा गर्ने योजनाको विषयहरु समेटिएको प्रतिवेदन प्रस्तुत गर्दै आगामी वर्ष मानवअधिकार तथा शान्ति समाजको २४औं राष्ट्रिय परिषद कपिलवस्तुले आयोजना गर्न लागेको बताउनुभयो । कार्यक्रमकाे पहिलो सत्रको असंवैधानीक एवं अलोकतान्त्रिक तवरमा प्रतिनिधि सधा विघटन प्रतिगमनको सिलसिला विषयक वृहत अन्तर सम्वाद कार्यकममा प्रमुख अतिथि पन्थीले प्रधानमन्त्रिले प्रतिनिधिसभा विघटन गर्नु असंवैधानीक भएको र जनताको आन्दोलनको वलमा यो सच्याइने वताउनुभयो । मानव अधिकार तथा शान्ति समाजका केन्द्रिय सदस्य कृष्ण पंगेनीले शान्ति समाजको विगत र भविश्यका वारेमा प्रकाश पार्नुभएको थियो ।
मानवअधिकार तथा शान्ति समाज कपिलवस्तुको अधिवेशनको बन्द सत्रमा निर्वाचन अधिकृत रविराज आचार्य र सदस्य कृष्ण पौडेलले निर्वचन मण्डलको भुमिका निर्वाह गर्नुभएको थियो । सो वन्द सत्रले सर्वसम्मत रुपमा गोविन्द पोखरेलको सभापतित्वमा आगामी दुई वर्षको लागी नयाँ कार्यसमिति समेत निर्वाचित गरेको छ । जस अन्तर्गत उपसभापतीमा पशुपतिमणी त्रिपाठी, सचिवमा माधव घिमिरे, कोषाध्यक्षमा दिनकला सुवेदी कलाम, सह सचिवमा बुद्धिसागर बेल्वासे तथा सदस्यहरुमा वसन्ति कुँवर, भुवन न्यौपाने, गुरुदेव पौडेल, लक्ष्मी थारु, प्रविण पौडेल र सिता मल्ल लाई चयन गरेको छ । साथै आगामी पूर्ण वैठकले अनुमोदन गर्ने गरी विष्णु पन्थ र रिता थापालाई कार्यसमिति सदस्यमा मनोनित गर्ने निर्णय गरेको छ ।