लुदस, काठमाडौँ – फिल्म निर्माता तथा गायक बिक्रमजंग शाहले नयाँ गीत ‘ज्यानलाई भो खतरा’ सार्वजनिक गरेका छन् । रोमान्टिक नम्बरमा बिक्रमजंग शाह सँगै गायिका अन्जु पन्तको स्वर छ । लेखु सहयात्रीको शब्द सिर्जना रहेको गीतमा सुवाष भुषालको संगीत छ । भने, पुरुषोत्तम सुवेदीको एरेञ्ज रहेको छ ।

मुस्ताङको रमणीय स्थान मार्फा गाउँ र धुम्बा ताल परिसरमा खिचिएको म्युजिक भिडियोमा मनोज केसीको कन्सेप्ट र सम्झना उप्रेती रौनियारको निर्देशन छ भने, गोबिन्द राईले कोरियोग्राफी गरेका छन् । गीतको भिडियोमा नायिका शिल्पा पोखरेल र डेब्यु मोडल रविन्द्र रिमाल रहेका छन् । गीत सार्वजनिक गर्दे गायक शाह भन्छन ‘ निकै मिहेनत गरेर दर्शकको लागि एउटा राम्रो कोशेली पस्किएका छौ आशा छ गीतले न्याय पाउँनेछ ।’ समय सापेक्ष गीत गाउन अब्बल गायक शाहका खोला खाल्सी, टिलपिल टिलपिल तारा लगायतका थुप्रै गीत चर्चाको शिखरमा पुगिसकेका छन् ।

टिकटक प्रयोगकर्ताको लागि अवसर ‘ज्यान भो खतरा’ बोलको गीतले टिकटक प्रयोगकर्ताको लागि सुवर्ण अवसर ल्याएको छ । गायक बिक्रम जंग शाहका अनुसार यो गीतमा उत्कृष्ट टिकटक बनाउनेहरु मध्येबाट एक जनालाई गीतको दोस्रो भागमा मोडलिङको अवसर दिइनेछ । यो सुवर्ण अवसर प्राप्त गर्नलाई यो गीतमा टिकटक बनाएर ह्याजट्याग ‘ज्यानलाई खतरा’ लेखेर पोस्ट गर्नु पर्नेछ ।
गीतको भिडियोलाई सबस्त ईन्टरटेनमेन्टको युट्युब च्यानलबाट सार्वजनिक गरिएको छ । भिडियो ………