थानेश्वर अधिकारी कपिलवस्तु, चैत्र ८
अहिले महामारीको रुपमा रहेको कोरोना भाइरस ( कोभिड–१९) का बिरुद्ध आज बाणगंगा नगरपालिका वार्ड नं ६ मा सचेतना कार्यक्रमको आयोजना गरिएको छ । नेपाल युवा संस्था संजाल( आयोन),लक्ष्मणघाट सामाजिक विकास केन्द्र र लक्ष्मणघाट बोलबम धाम विकास समितिको संयुक्त आयोजनामा सञ्चालन गरिएको सो कार्यक्रम गजेहडा स्वास्थ्य चौकीका इन्चार्ज द्रोणराज बेल्वासेले कोरोना भाइसरबाट बच्ने उपाय, यसका लक्षण र पुर्व सावधानीका बिषयमा जानकारी गराएका छन् ।
यसै गरी नियमित रुपमा साुबन पानीले हात धुने तरिका, यसको महत्व र आवश्यकताबारे प्रयोगात्मक अभ्यास समेत गराइएको थियो । कार्यक्रममा रेडियो जिंगलको माध्यमबाट बाणगंगा नगरपालिका वार्ड नं ६ र ५ अन्र्तगत पर्ने लक्ष्मणघाट, गणेशटोल, मनोहारपुर, कोपवा, बैदौली, अमौली, भगलापुर, सुठौली र बनकसियामा मोटर साइकल ¥याली समेत गरिएको संस्थाका कोषाध्यक्ष सन्दिप न्यौपाने जानकारी दिएका छन् । ¥यालीमा कोरोना भाइरसबाट बच्न सकिने उपाय, पुर्व सावधानीका तरिका बिषयमा जानकारीमुलक सन्देशहरु लेखिएको थियो । सो मोटर साइकल ¥यालीको संयोजन संस्थाका कार्य समिति सदस्य अंजित खनालले गरेका थिए ।
कार्यक्रम लक्ष्मणघाट सामाजिक विकास केन्द्रका अध्यक्ष रनबहादुर काउचाको अध्यक्षता, बाणगंगा नगरपालिका वार्ड नं ६ का वडाध्यक्ष सुकदेव थारुको प्रमुख आथित्यता, वडा सदस्य बेचु थारु, ईलाका प्रहरी कार्यालय कोपवाका प्रमुख यान बहादुर कूँवर, गजेहडा स्वास्थ्य चौकीका इन्चार्ज द्रोणराज बेल्वासे, नेपाल पत्रकार महासंघ कपिलवस्तुका सह सचिव मोहन बेल्वासेको आथित्यतामा सम्पन्न कार्यक्रमको सहजीकरण लक्ष्मणघाट सामाजिक विकास केन्द्रका सचिव थानेश्वर अधिकारीले गरेको लक्ष्मणघाट सामाजिक विकास केन्द्रका कार्यसमिति सदस्य भोजराज बञ्जाडेले जानकारी दिएका छन ।