कपिलबस्तु, बैशाख २९
जिल्लामा थप आज १० जनामा कोराना पुष्टि भएको छ । यस सगैं कपिलबस्तुमा यो समाचार तयार पार्दा सम्म संक्रमित संख्या १५ पुगेको छ । आज भेटिएका सबै कोरोना संक्रमित एक साता अघि भारतको महाराष्ट् जिल्लाको मुम्बई बाट आएको सहायक प्रमुख जिल्ला अधिकारी गणेश नेपालीले बताए ।
उनका अनुसार कपिलबस्तुबाट शनिबार २ सय ९० जनाको स्वाब परिक्षाण गर्न राष्ट्रिय जन स्वास्थ्य प्रयोगशाला टेकुमा परिक्षणको लागि पठाईएको र आज ९९ को परिक्षणमा १० जनामा कोरोना पुष्टि भएका हो ।आज आएको रिपोर्ट अनुसार यशोधरा गाँउपालिका वडा नं ५ का ८ र बुद्धभुमि नगरपालिका वडा नं। ७ र १० का एक एक जना रहेका छन् ।
यशोधरामा भेटिएका संक्रमित अनिरुद्ध पब्लिक मा।वि बैदौली र पशुपति शिक्षा मन्दिर सुठौलीको क्वारेन्टिनमा रहेका थिए । शनिबार यशोधरा गाँउपालिकाबाट ६२ जनाको स्वाब पि सि आर परिक्षण गर्नका लागी राष्ट्रिय जनस्वास्थ्य प्रयोग शाला काठमाडौं पठाईएको यशोधरा गाँउपालिकाको स्वास्थ्य संयोजक ज्योती प्रकाश दुबेले बताए ।
त्यस्तै बुद्धभुमि नगरपालिका वडा नं। ७ र १० मा भेटिएका संक्रमित महेन्द्र मा।वि। गोरुसिंगेको क्वारेन्टिनमा रहेका थिए । बुद्धमुमिबाट १ सय २५ जनाको स्वाब पि सि आर परिक्षण गर्नकालागी राष्ट्रिय जनस्वास्थ्य प्रयोग शाला काठमाडौं पठाईएको स्वास्थ्य संयोजक टोल बिक्रम बेल्बासेले बताएका छन ।
यस कपिलबस्तको मायादेवी गाँउपालिकामा ६५ जनाको स्वाब परिक्षणमा ५ जनाको कोरोना संक्रमण पुष्टि भइसकेको हो ।कपिलवस्तु जिल्लामा १५ जना सर्वसाधरणमा कोरोना भाईरसको संक्रमण देखिए पछि जिल्ला थप संवेदनशील बनेको छ ।
यस अघि जिल्लाको मायादेवी गाउंपालिकामा ४ जना र शुद्धोधन गाउंपालिकामा १ जनामा कोरोना भाईरसको संक्रमण देखिएको थियो ।
यससँगै नेपालमा कोरोना संक्रमित व्यक्तिहरुको संख्या १२० पुगेको छ ।
