लुदअ काठमाडौं, जेठ १२
नेपालमा सोमबार थप ७८ जनामा कोरोना संक्रमण देखिएको छ । अछाममा पहिलो पटक संक्रमित देखिएका छन् । संक्रमित फेला परेका अन्य जिल्लाहरुमा कपिलवस्तु, रौतहट, सप्तरी, धनुषा, बारा, बाँके, बर्दिया, दैलेख र काठमाडौं रहेका छन् । स्वास्थ्य तथा जनसंख्या मन्त्रालयका प्रवक्ता डा.विकास देवकोटाले रौतहटमा २६, बारामा २५, धनुषा, कपिलवस्तु र काठमाडौंमा तीनरतीनजनामा संक्रमण देखिएको बताए ।

यस्तै, बाँके र बर्दियामा चाररचारजना, दैलेखमा सात, सप्तरीमा दुई र अछाममा एक गरी कुल ६८२ जनामा संक्रमण भेटिएको हो । वीरगन्जस्थित नेसनल मेडिकल कलेजमा उपचारका क्रममा मृत्यु भएका ७० वर्षीय पुरुषमा कोरोना संक्रमण देखिएको पुष्टि पनि मन्त्रालयले गरेको छ । जेठ २ गते अस्पताल भर्ना भएका उनको ४ गते नै मृत्यु भएको थियो । क्षयरोगका समेत बिरामी रहेका उक्त वृद्धको स्वाब परीक्षणमा कोरोना संक्रमण देखिएको थियो । योसँगै नेपालमा कोरोनाबाट मृत्यु हुनेको संख्या चार पुगेको मन्त्रालयले जनाएको छ ।

यस्तै, वीरगन्जको नारायणी अस्पतालबाटै १८ जना कोरोनामुक्त भइ ‘डिस्चार्ज’ भएका छन् भने कपिलवस्तुकी स्टाफ नर्स पनि डिस्चार्ज हुनुभएको छ । प्रदेश १ मा २६ जना, प्रदेश २ मा ३३ जना, बाग्मती प्रदेश ११ जना, गण्डकी प्रदेशमा २ जना, प्रदेश ५ मा ३५ जना, कर्णाली प्रदेशमा ५ जना निको भई डिस्चार्ज भएका हुन् । जम्मा निको हुनेको संख्या ११२ पुगेको छ । योसँगै डिस्चार्ज हुनेको संख्या ११२ पुगेको छ ।

Facebook Comments Box

Leave a Reply

Your email address will not be published. Required fields are marked *