लुदअ कपिलवस्तु, २८ असार
कपिलवस्तुको शिवराज नगरपालिका १ बनकसवासा नजिकै आईतवार दिउँसो मोटरसाईकल दुर्घटना हुदाँ एक जना युवकको मृत्यु भएको छ । पश्चिमबाट पुर्व तर्फ जादै गरेको रा ५ प ५६४१ नम्बरको मोटरसाईकल अनियन्त्रीत हुदाँ दुर्घटना भएको अस्थायी ट्राफिक चन्द्रौटाका प्रहरी सहायक निरिक्षक हरि जिसीले बताए ।
मृत्यु हुनेमा मोटरसाईकल चालक रोल्पाको गंगादेव गाउँपालिका ७ जाउचौरका २२ वर्षीय ललित बुढाको उपचारको क्रममा मृत्यु भएको हो । उनको टाउकोमा गभ्मीर चोट लागेको र उपचारको लागि बहादुरगंञ्जमा रहेको शिवराज अस्पतालमा पु¥याएपछि अस्पतालले मृत घोषणा गरेको हो ।
उक्त मोटरसाईकलमा सवार एक जना घाईते भएका छन् । उनको बुटवलमा उपचार भइरहेको प्रहरिले जनाएको छ । सडक देखि केहि पर कल्भट मुनी परेकोले समयमा उद्धार हुन नसकेको जनाइएको छ ।
प्रकाशित : २०७७ असार २८, आईतवार २२:२२
