कोरोना कहरः कांग्रेश अघिअघि सरकार पछि पछि राहत लिएर । तरुण र विद्यार्थी बढि सक्रिय ।

ByLumbini Darpan Online

४ बैशाख २०७७, बिहीबार ०९:१९ ४ बैशाख २०७७, बिहीबार ०९:१९ ४ बैशाख २०७७, बिहीबार ०९:१९

ओम प्रकाश पौडेल ।
कपिलवस्तु । ४ वैशाख २०७७ ।
विश्वव्यापी महामारी कोभिड १९ अर्थात कोरोना भाइरसका कारण राहतको प्रतिक्षामा रहेका कपिलवस्तुबासीका लागि प्रमुख प्रतिपक्षी दल नेपाली कांग्रेश क्रियाशिलताका साथ राहत वितरणमा लागेको देखिएको छ । अझ त्यस्मा पनि पार्टी पंक्ति भन्दा नेपाल विद्यार्थी संघ र तरुण दलको झन क्रियाशिलता देखिएको छ ।

नेपाल विद्यार्थी संघ र तरुण दल सबै भन्दा पहिला कोरोना भाइरस फैलिन सुरु गर्दा वित्तिकैबाट राहत वितरणमा तल्लिन छन् तर सरकारी संयन्त्रले भने लक डाउन भएको झण्डै ३ हप्ता सकिनै लाग्दा राहत वितरण गर्न सुरु गरेको छ । विधि र प्रक्रिया पुरा गर्दा गर्दै पिडित समक्ष राहत पुग्न समय लागेको वाणगंगा नगरपालिकाका मेयर मंगल थारुको भनाई छ ।

नेपाली कांग्रेश र त्यसको भातृ संगठनको क्रियाशिलताले त्यस तर्फ जनलहर देखिने देखेर नेकपाका केहि नेताले भने एकद्धार प्रणालीबाट राहत वितरण गर्नु राम्रो हुने भन्दै सोहि अनुसार राहत वितरण गर्दा राम्रो हुने धारणा राखे । त्यत्ति मात्रै हैन नेपाली कांग्रेशले यो विषम परिस्थितिमा पनि राजनीति गर्न खोजेको आरोप लगाए । यद्यपी एकद्धार प्रणालीबाट वितरण गर्दा कसैले दोहोरो राहत लिने र कसैले पाउँदै नपाउने अवस्था नहुने जानकारहरु बताउँछन् । आफूहरुले उठाएको राहत बाँड्न सरकारलाई दिँदा उनीहरुलाई राजनीतिक हिसाबले विभेद गरेर पनि बाँड्ने सम्भावना हुने, राहतको दुरुपयोग हुने, र पिडितले समयमै राहत नपाउने अवस्था रहने भएकोले आफूहरु राहत वितरणमा खटिएको कांग्रेशका नगर कार्यवहाक सभापति विष्णु थापा र नगर सचिव रामजी सेनको प्रतिक्रिया छ ।

राहत वितरणमा प्रमुख प्रतिपक्ष दल अघिअघि र सरकार लुरुलुरु पछि पछि लागेर भएपनि आहतमा रहेका परिवारले राहत महशुस गरिरहेको पूर्व सिंचाई राज्य मन्त्रि तथा नेपाली कांग्रेशका जिल्ला सभापति सुरेन्द्र राज आचार्यले बताउनुभयो । नेपाल तरुण दल जिल्ला कार्यसमिति र नेपाल विद्यार्थी संघ क्षेत्रीय कार्यसमिति क्षेत्र नम्बर १ कपिलवस्तुको आयोजना तथा मातृपार्टी नेपाली कांग्रेश क्षेत्रीय कार्यसमिति तथा वाणगंगा नगरकार्यसमितिको संयोजनमा राहत वितरणमा तिव्रता दिइएको नेविसंघका क्षेत्रीय सभापति चन्द्रकान्त पोख्रेलले जानकारी दिनुभयो ।

दुखिहरुको घाउमा मल्हम लगाउँदै आएको आफूहरुको विगतलाई निरन्तरता दिएको नेपाल तरुण दलका जिल्ला सभापति शक्ति सिंह ठकुरीको भनाई छ । चैत्र दोस्रो साता देखि नै नगरपालिका भरिका ११ वटै वडामा ४५ घर परिवारका दरले र कोठा भाडामा लिएर वस्ने ५० जना विद्यार्थीहरु समेत गरेर ६५० भन्दा बढि परिवारका झण्डै ३ हजार जना समक्ष ७ लाख रुपैयाँ बराबरको तेल, चामल, दाल र नुन तरुण र नेविसंघले राहत स्वरुप वितरण गरेका छन् । यस्तै वाणगंगा नगर बाहिर पनि सोहि टोलिले कपिलवस्तु नगरपालिकाका ३ वडा वडा नम्बर ९,१० र ११मा तथा मायादेवि गाउपालिका ३ नम्बर वडामा गरी १६० परिवारलाई वैशाख ३ मा राहत वितरण गरेको तरुण दलका क्षेत्रीय सभापति तिलक थापाले जनाउनुभयो । राहत वितरणमा संघिय व्यवस्थापिका सांसद अत्तर कमाल, नेपाली कांग्रेश अर्घाखाँची कपिलवस्तु सम्पर्क समिति, नेपाली कांग्रेश क्षेत्रीय समिति, वाणगंगा नगरसमिति र तरुणदल क्षेत्रीय कार्यसमिति क्षेत्र नम्बर १ को सहयोग रहेको नेविसंघका क्षेत्रीय सभापति पोख्रेलको भनाई छ । नेपाली कांग्रेश सदैव जनताको सुख दुखको साथी बन्ने भएकोले आफूहरुले सक्दो राहत जनता समक्ष पु¥याउन पहल गरिरहेको नेपाली कांग्रेशका प्रभावशालि नेता, केन्द्रिय सदस्य एवं संघीय व्यवस्थापिका सांसद अत्तहर कमालको भनाई छ ।

यस्तै कपिलवस्तु क्षेत्र नम्बर ३ का लोकप्रिय युवा नेता संघिय व्यवस्थापिका सांसद अभिषेक प्रताप साह पनि राहत वितरणमा व्यस्त देखिनु भएको छ । यसविचमा सांसद शाहले शिवराज नगरपालिकामा २० क्वीन्टल चामल, कृष्णनगरमा २० क्वीन्टल चामल, विजयनगरमा २० क्वीन्टल चामल, महाराजगंग नगरपालिकाका ३ वडा भलवारी उदयपुर कुशहवामा १० क्वीन्टल चामल राहत स्वरुप वितरण गरेको उहाँका कार्यवहाक स्वकीय सचिव सन्तोष कुमार यादवले तथ्यांक उपलब्ध गराउनुभयो । उहाँले विजयनगर वडा नम्बर ५ को क्वारेन्टाइनमा रहेको वेला निधन भएका गोवद्र्धन भरको परिवारलाई राहत स्वरुप १० हजार रुपैयाँ सहयोग गरेको बताइएको छ । जनताको दुःखलाई आफ्नै दुःख महशुश गर्ने भएकोले राहत वितरणमा आफू खटिएको सांसद शाहको दावी छ ।
सरकारले जिल्ला भरिमा १० हजार १८ परिवारलाई राहत बाँड्दा वाणगंगा नगरपालिकाले भने १९३५ परिवारलाई राहत वितरण गरेको सरकारी तथ्यांक छ ।

Facebook Comments Box

Leave a Reply

Your email address will not be published. Required fields are marked *