लुदअ कपिलवस्तु, २३ बैशाख
कपिलवस्तुको वाणगंगा नगरपालिकाले बैशाख ३१ गतेसम्म बैंक तथा वित्तिय संस्था बन्द गर्ने निर्णय गरेको छ । नयाँ भेरियन्ट सहितको कोरोना भाइरस कोभिड १९ को प्रकोप नगरपालिका भित्र बढेको र अन्य जिल्ला र स्थानीय तहरुबाट सेवाग्राहीको चाप नगरमा बढेको भन्दै वाणगंगाले बैंक तथा वित्तिय संस्था बन्द गर्ने निर्णय गरेको हो ।

नगर प्रमुख मंगल प्रसाद थारुद्धारा हस्ताक्षरित विज्ञप्तिमा यही बैशाख २४ गतेदेखि ३१ गतेसम्म बैंक तथा वित्तिय संस्था बन्द हुने उल्लेख छ । साथै एटीएम तथा विद्युतीय माध्यमबाट हुने बैकिङ सम्बन्धी सेवाहरु निर्देशन बमोजिम सञ्चालन गर्न समेत सम्बन्धित सबैलाई जानकारी गराइएको छ ।

कोरोनाको दोस्रो लहरमा वाणगंगा पनि चपेटामा परेको छ । यहाँ दिनहु संक्रमित भेटिनेक्रम बढिरहेको छ भने मृतकको संख्या पनि बढीरहेको छ ।