हामी नेपाली ग्लोबल र संगीतकर्मी संघद्धारा जुगलको आइसोलेसन सेन्टरलाई सहयोग

ByLumbini Darpan Online

९ जेष्ठ २०७८, आईतवार १५:१५ ९ जेष्ठ २०७८, आईतवार १५:१५ ९ जेष्ठ २०७८, आईतवार १५:१५

थानेश्वर अधिकारी । हामी नेपाली ग्लोबल र संगीतकर्मी संघद्धारा सिन्धुपाल्चोक जिल्लाको जुगल गाउँपालिकाको चनौटे आइसोलेसन सेन्टरलाई आवश्यक स्वास्थ्य सामाग्री सहयोग गरेको छ ।

कोरोना भाइरसको संक्रमणलाई रोक्न स्थानीय निकायलाई अप्ठ्यारो परिरहेका बेला पालिका उपाध्यक्ष सृजना तामाङको पहल तथा हामी नेपाली ग्लोबल र राष्ट्रिय संगीत कर्मी संघको समन्वयमा चनौटे आइसोलेसन सेन्टरका लागि आवश्यक स्वास्थ्य सामग्री सहयोग गरिएको हो । उक्र सामाग्री गाउँपालिका अध्यक्ष होम नारायण श्रेष्ठलाई हस्तान्त्रण गरिएको थियो । सहयोग गरिएको सामाग्रीमा कोरोना किट १०० थान, मास्क २०० थान,७ क्रेट अण्डा, २ थान सेनिटाइजर, २० थान टुथपेस्ट र ब्रस, ३ थान पिपिई सेट र २० थान रुमाल रहेका छन् ।

आफूले बिशेष पहल गरेर स्वास्थ्य सामग्री ल्याएको बताउँदै उपाध्यक्ष तामाङले बिपदको घडिमा सहयोग गर्नुभएकोमा हामी नेपाली ग्लोबलका अध्यक्ष तथा नायक अध्यक्ष अमृत लामा र राष्ट्रिय संगीत कर्मी संघका महासचिव बिक्रम जंग शाहलाई बिशेष धन्यवाद दिएकी छिन् ।

त्यसैगरी गाउँपालिका अध्यक्ष श्रेष्ठले पनि यो विषम परिस्थितिमा यसरी स्वास्थ्य सामाग्री सहयोग गरेकोमा उनीहरुलाई धन्यवाद दिएका थिए ।
हामी हामी नेपाली ग्लोवल र संगीतकर्मी संघको सहकार्यका १५ दिन देखी काठमाण्डौ, भक्तपुर, ललितपुर, रामेछाप लगायतका बिभिन्न जिल्लाहरुमा राहत तथा स्वास्थ्य सामाग्री बितरण गरिएको छ ।

Facebook Comments Box

Leave a Reply

Your email address will not be published. Required fields are marked *