लुदस, कपिलवस्तु ।
राष्ट्रिय संगीतकर्मी संघका महासचिव तथा विपत व्यवस्थापन समितिका संयोजक एवम् फिल्म निर्माता बिक्रम जंग शाहकोभिड हिरो अवार्ड २०२१ बाट सम्मानित भएका छन् । अहिले विश्व महामारीका रुपमा रहेको कोरोना भाइरस (कोभिड १९) को दोस्रो भेरियन्टको संक्रमण बढ्दै गएकाले नेपाल सरकारले जारी गरेको लक डाउन (निशेधाज्ञा)का कारण आम नागरिकहरु समस्यामा परेका छन् । शाहलाई अमेरिकामा रहेको हामी नेपाली ग्लोवल नामक अन्तराष्टिय संस्थाले सहयोग गरेको हो ।
यस्तो जोखिमका बेला पनी जिवनलाई हत्केलामा राखेर सामाजिक सेवा भावले ओतप्रोत भएका शाह गत बर्ष पनी कोभिड हिरो अवार्ड २०२० बाट सम्मानित भएका थिए । हामी नेपाली ग्लोवल नामक अन्तराष्ट्रिय संस्था र कलाकर्मीहरुको छाता संगठन राष्ट्रिय संगीतकर्मी संघको सहकार्यमा बिगत १६ दिन देखी निरन्तर रुपमा राहत तथा सहयोगका माध्यमबाट मानव सेवामा सक्रिय भैरहेको छ ।
सहयोग तथा राहत बितरणका क्रममा काठमाण्डौ,भक्तपुर, ललितपुर,रामेछाप, सिन्धुपाल्चोक लगायतका जिल्लामा रहेका कलाकार, असहाय,जेष्ठ नागरिक,सुरक्षाकर्मी,स्वास्थ्यकर्मी,बेसाहरा बालबालिका, अपांगता भएका व्यक्ति लगायत लकडाउनका कारण रोजगारी गुमाएका बिभिन्न व्यक्तिहरुलाई सहयोग गर्दे आइरहेको छ ।
हामी नेपाली ग्लोवल संस्थाले राष्ट्रिय संगीतकर्मी संघ तथा संघका महासचिव बिक्रम जंग शाहसँग सहकार्य गरेर काम गर्न पाएकोमा आफुलाई अत्यन्त खुसी लागेको हामी नेपाली ग्लोवलका अध्यक्ष तथा नायक अमृत लामाले बताए । शाहको सामाजिक काम प्रतिको लगाव र सक्रियता प्रति आफु प्रभावित भएको हामी नेपाली ग्लोवलका अध्यक्ष लामा बताउँछन् ।
