आश्विन २

जंगली बँदेललाई धपाउन थापेको विद्युतीय पासोमा परी बर्दिया ठाकुरबाबा नगरपालिका ३ गोदाना गाउँमा एकै घरका ३ जनाको ज्यान गएको छ ।
शुक्रबार राति स्थानीय राजबहादुर शाहीको खेतमा पानी हेर्न गएका बेला शाहीले बँदेल धपाउन धान खेतमा लगाएको विद्युतीय धरापमा परि ३५ वर्षीय बालकृष्ण थारू, उनकी श्रीमती ३० वर्षीया सुनिता र बालकृष्णकी भाउजु ४५ वर्षीया बेलमतीको मृत्यु भएको हो ।

धानखेतमा करेन्ट प्रवाह गरेको आरोपमा स्थानीय ८२ वर्षीय राजबहादुर शाहीलाई प्रहरीले नियन्त्रणमा लिएको छ । घटनाबारे थप अनुसन्धान भइरहेको जिल्ला प्रहरी कार्यालय बर्दियाका प्रहरी प्रमुख प्रहरी उपरिक्षक इश्वर कार्कीले बताए ।

यस आसपासका क्षेत्रमा बंदेलबाट धानबाली जोगाउन विद्युतिय धराप थाप्ने गरिएकोमा यस अघि पनि विद्युतिय धरापमा परि दुईवटा जंगली हात्ती र एक जना युवाको ज्यान गएको थियो ।