लुदअ, कपिलवस्तु
कपिलवस्तु जिल्लाको बाणगंगा नगरपालिकाको कार्यपालिकाको बैठक सम्पन्न भएको छ । बैठकले नगरभित्रका शिक्षकको दरबन्दी मिलान गर्नुका साथै ४ वटा बिद्यालयलाई समायोजन गरेको छ । नगरपालिकाको आफनै भवनमा बसेको बैठकले कम बिद्यार्थी भएका बिद्यालयका शिक्षकलाई बढि बिद्यार्थी भएका बिद्यालयमा पठाउनुका साथै कम बिद्यार्थी भएका बिद्यालयका कक्षा सख्या पनि घटाएको छ ।
नगरपालिकाका कोटीहवा आधारभुत बिद्यालय गंगौलिया, शारादा आधारभुत बिद्यालय, जनसहयोग आधारभुत बिद्यालयको कक्षा ५ बाट घटाएर ३ सम्म र कोठीनदी आधारभुत बिद्यालयलाई कक्षा १ सम्म मात्र पढाइ हुने गरी समायोजन गरीएको नगरपालिकाका प्रवक्ता बिष्णु पौडेलले जानकारी दिए ।
यसैबिच बाणगंगा नगरपालिकाको शिक्षा शाखा प्रमुख बाबुराम भट्टराई संयोजक रहेको ११ सदसीय शिक्षण सहयोगको बिज्ञ समुह गठन पनि गरेको पौडेलले जानकारी दिए । त्यस्तै गौरी मावि भक्तौली, कामता मावि करेलीया र सिद्धार्थ माबि बुङचीलाई मासिक ३५ हजार ९ सय ९० का दरले अनुदान दिने निर्णय गरेको छ भने आर्दश आधारभुत बिद्यालय भढीहवा, भर्तापुर आधारभुत बिद्यालय भलवाडलाई मासिक २८ हजार २ सय अनुदान दिने निर्णय गरेको छ ।
साथै प्रधानमन्त्री स्वरोजगार कार्यक्रमको ६९ लाख रकम ११ वटा वडामा बाडफड गरेको प्रवक्ता पौडेलले बताए । सो अवसरमा नगर प्रमुख मगंल प्रसाद थारु, उप प्रमुख चक्र अर्याल र प्रमुख प्रशासकीय अधिकृत बासुदेव खनाल लगायतले आआफनो धारणा राखेका थिए ।
