हरि आचार्य, कपिलवस्तु
कपिलवस्तुको बाणगंगा नगरपालिका वडा नं. ७ मा दलित महिलाहरुका लागि सचेतनामुलक कार्यक्रम सम्पन्न भएको छ । सत्यको संवाहक लुम्बिनी दर्पण राष्ट्रिय साप्ताहिकको आयोजना तथा वडा कार्यालयको सहयोगमा ३ दिने तालिम सम्पन्न गरिएको हो ।
मंसिर २९ गते देखि सुरु भएको कार्यक्रमम शुक्रवार समापन गरिएको तालिमका मुख्य प्रशिक्षक थानेश्वर अधिकारीले बताए । तालिममा मुख्य प्रशिक्षक अधिकारी तथा पुर्ण चन्द्र परियारले प्रशिक्षण दिएका थिए ।
दलित महिलाहरुलाई नेतृत्व विकास, कार्यक्रम उद्घोषण, बोल्ने बानीको विकास लगायतका विभिन्न विषयहरुमा प्रशिक्षण दिईएको थियो ।
समापन कार्यक्रममा बोल्दै तालिम लिनुभन्दा पहिले परिचय पनि दिन नसकेको र तालिम पछि ढुक्क संग बोल्न सकेको अनुभव सहभागीले सुनाएका थिए ।
समाजबाट पछाडि पारिएको दलित समुदायलाई लक्षित गर्दै यस्ता कार्यक्रम ल्याएकोमा वडाध्यक्ष, आयोजक र प्रशिक्षकलाई प्रशिक्षार्थीले धन्यवाद दिंदै खुसी व्यक्त गरेका थिए ।
कार्यक्रमलाई सम्बोधन गर्दै वडाध्यक्ष बिष्णु गिरीले भौतिक विकास निर्माणले मात्र विकास सम्भव नहुने भन्दै वडाले समाजिक रुपान्तरणका विभिन्न कार्यक्रम निरन्तर रुपमा गरिरहेको बताए । समापन कार्यक्रमका प्रमुख अतिथि समेत रहेका वडाध्यक्ष गिरीले वडावासीलाई गर्वावस्था देखि बृद्ध अवस्था सम्म पर्ने हरेक समस्याको समाधानमा आफु लागि परेको बताए । उनले तालिममा सिकेका ज्ञान सीपलाई आफु, घर, समाज हुंदै हरेक क्षेत्रमा लागु गर्न अनुरोध गरे । साथै आगामि दिनमा पनि वडावासीको आवश्यकता र माग अनुसार वडा कार्यालय अगाडि बढ्ने प्रतिवद्धता व्यक्त गरे ।
कार्यक्रममा कार्यपालिका सदस्य साबित्रा थारु, वडा सदस्य कमला विक, वडा सचिव कृष्ण प्रसाद खनाल लगायतले मन्तब्य राख्दै तालिममा सिकेका कुराहरुलाई ब्यबहारमा लागु गर्न आग्रह गरेका थिए ।
तालिम प्रदान गरेका करिव ३० महिलाहरुलाई प्रमाण पत्र समेत प्रदान गरिएको थियो ।
कार्यक्रमका अध्यक्ष लुम्बिनी दर्पण राष्ट्रिय साप्ताहिकका प्रबन्धक मोहन बेल्बासेले दलित महिलाहरुलाई सचेतनामुलक तालिम प्रदान गर्न पाउदा गौरवान्वित भएको बताए । उनले सहभागीहरुमा तालिम लिनु भन्दा पहिले र लिईसकेपछि धेरै परिवर्तन आएको महशुस भएको बताउदै कार्यक्रम सफल पार्न सहयोग गर्नुहुने सम्पुर्णलाई धन्यवाद व्यक्त गरे ।
समापन कार्यक्रमको सञ्चालन प्रशिक्षक पुर्ण चन्द्र परियारले गरेका थिए ।
