लुदअ कपिलवस्तु
कपिलबस्तुको बहादुगरगञ्जमा आज विहान ११ बजे हुने विशाल जनसभाको तयारी पुरा भएकोे छ । पार्टी अध्यक्ष केपी शर्मा ओलीले सम्बोधन गर्नुहुने जनसभाको तयारी पुरा भएको नेकपा एमाले जिल्ला अध्यष झविलाल पोख्रेलले बताउनुभएको हो । विशाल जनसभामा पार्टी कार्यकर्ता, शुभचिन्तक सबैलाई सहभागि हुन समेत जिल्ला अध्यक्ष पोख्रेलले आह्वान समेत गर्नु भएको छ । एक प्रेस विज्ञप्ती जारी गर्दै उहाले भन्नुभएको छ विशालजनसभामा पुर्व प्रधानमन्त्री एवं पाटीका अध्यक्ष केपी शर्मा ओलीले सम्बोधन गर्नुहुने भएकाले पार्टी कार्यकर्ता, शुभचिन्तक सबैमा सहभागि हुन आग्रह गर्दछु । पछिल्लो समय एमालेप्रति जनताको आकर्षण बढेको बताउदै आज बहादुरगञ्जमा लाखौको उपस्थितीमा विशाल जनसभामा हुने भएको छ । विशाल जनसभामा ५ हजार बढी पार्टी प्रवेश गर्ने दाबी गरिएको छ । यस्तै मौसमी प्रतिकुलतालाई मध्यनजर गर्दै आज हिजाृ साझ बुटवलको मणिग्राम आईपुग्नुभएको छ । आज बिहान १० बजे लुम्बिनी हुदै हुलाकी सडक मार्फत बहादुरगञ्ज जाने एमाले जिल्ला अध्यक्ष झबिलाल पोख्रेलले बताउनुभएको छ ।
उहाको स्वागतका लागि जिल्लाबाट एमाले नेता बिमला घिमिरे ,गिरधारिलाल न्यौपाने, बलराम अधिकारी, बाबुराम आचार्य, बिश्व कार्की लगाएतको टिम रहेको छ ।
कार्यक्रममा पार्टीका करिब २५ जना केन्द्रिय सहभागिता रहने अध्यक्ष पोख्रेलले बताउनुभयो । कार्यक्रममा करिब २५ हजार बढीको सहभागिता रहने एमाले कपिलवस्तुले जनाएको छ । अध्यक्ष ओलीसंगै पार्टीका महासचिव शंकर पोखरेल पनि कपिलवस्तु आउने कार्यक्रम तय भएको नेकपा एमाले कपिलवस्तुले जानकारी दिएको छ ।
सांसद शाहले आफ्नो गृहनगरमा अभिनन्दन गर्ने
कपिलवस्तुबाट निर्वाचित नेपाली कांग्रेसका युवा सांसद अभिषेकप्रताप शाहले पूर्वप्रधानमन्त्री एवं नेकपा एमालेका अध्यक्ष केपी शर्मा ओलीलाई अभिनन्दन गर्ने घोषणा गरेका छन् । आफ्नो पार्टीको कार्यक्रमलाई सम्बोधन गर्न आज कपिलवस्तु आउन लागेका प्रतिपक्षी दलका नेता ओलीलाई शाहले स्वागत तथा अभिनन्दन गर्ने भएका हुन् । आफ्नो निर्वाचन क्षेत्र तथा कर्म भूमि बहादुरगंजमा ओलीको स्वागत तथा अभिनन्दन गगर्ने उनले बताएका छन् । शाहले यसअघि जसपाका अध्यक्ष उपेन्द्र यादवलाई पनि कपिलवस्तु आउँदा आफ्नै निवासमा स्वागत गरेका थिए ।
