किशोरी समुहको बार्षिक उत्सव मनाईयो

[sharethis-inline-buttons]

संगीता भुसाल ।
अभियान्ता किशोरी समुहको आयोजना, बुद्धभुमि नगरपालिका, बाणगंगा नगरपालिका र महाराजगंज नगरपालिकाको समन्वय तथा केयर नेपाल र दलित सामाजिक विकास संस्थाको सहयोगमा महाराजगंजको जानकी माध्यमिक विद्यालयमा किशोरी समुहको बार्षिक उत्सव मनाईएको छ। कार्यक्रममा १२ वटा आमा बुवा तथा किशोरकिशोरी समुहले विभिन्न सन्देश मुलक नाटक, आत्मरक्षक नृत्य प्रस्तुत गरेका थिए ।
दलित सामाजिक विकास संस्थाले प्रत्येक स्थानीय तहमा ३७ वटा किशोरी समुह गठन गरेको छ। यस संस्थाले यौनिकता, बालविवाह, दाईजो प्रथा, आत्मरक्षक तालिम, हाजिरीजवाफ जस्ता किशोरीलाई आत्मरक्षक बनाउन यो कार्यक्रम संचालन गरिएको हरियाली किशोरी समुहकी शिला नेपालीले बताउनु भएको छ। कार्यक्रममा स्वागत मन्तव्य हरियाली समुहकी सल्मा नाउ, अध्यक्षता प्रगतिशिल किशोरी समुहकी सुधा जयसवाल र सिमा भण्डारीको संचालनमा कार्यक्रम सम्पन्न भएको थियो ।


प्रकाशित : २०७७ चैत्र २१, शनिबार १७:१५