हरि आचार्य, कपिलवस्तु
नेकपा एमाले कपिलवस्तुको नवौँ जिल्ला अधिवेशनबाट जिल्ला सदस्यमा पुर्ण चन्द्र परियार निर्वाचित भएका छन् । पुस २३ र २४ गते भएको जिल्ला अधिवेशनमा सहमति नजुटेपछि भएको निर्वाचनमा समावेशी दलित तर्फ ५ जनाको उम्मेद्वारी परेकोमा परियार अत्याधिक लोकप्रिय मतका साथ विजयी भएका हुन् ।
पार्टीका विभिन्न जनवर्गीय संगठनमा सक्रिय रुपमा राजनीति गर्दै आएका परियार मत सहित विजयी भएका हुन् । जिल्ला सदस्यमा निर्वाचित परियारले सपथ खाएसंगै प्रमाण पत्र समेत प्राप्त गरेका छन् ।
पदभार ग्रहण गरेसंगै परियारले नेकपा एमाले जिल्ला कमिटी कपिलवस्तुको नवौँ जिल्ला अधिबेशन बाट अत्याधिक लोक प्रिय मतदान गरेर जिल्ला कमिटी सदस्य पदमा निर्वाचित गराउन महत्वपुर्ण भुमिका खेल्दै मतदान गर्नुहुने प्रतिनिधिहरु अनि सम्पूर्ण आदरणीय नेता कमरेडहरु र सामाजिक संजाल अनि फोन मार्फत बधाई दिनुहुने सम्पुर्ण शुभचिन्तक महानुभावहरुमा आभार प्रकट समेत गरेका छन् ।
