लुदस, जितपुर
बाणगंगा खानेपानी तथा सरसफाई उपभोक्ता समिति बाणगंगा १ को चौथो साधारण सभा सम्पन्न भएको छ । खानेपानीको आफ्नै भवनमा रहेको प्राङ्गणमा लुम्बिनी प्रदेश सभा सदस्य विष्णु पन्थीको प्रमुख आतिथ्यमा साधारण सभा सम्पन्न भएको हो ।
साधारण सभामा प्रतिवेदन प्रस्तुत गर्दै खानेपानीका अध्यक्ष राजकुमार खाँणले आफु सदैव उपभोक्ता हित र संस्थाको सर्वाङ्गीण विकासलाई प्राथमिकतामा राखेको बताउदै नगरपालिकाले आफैले उपभोग गर्ने खानेपानीलाई समेत उपेक्षा गरेको बताए ।
४ नं बजार तथा ग्रामिण भेगमा स्वच्छ खानेपानी वितरण गर्दै आएको संस्थामा उपभोक्ताहरुको लगानी ले नै संस्था यहाँ सम्म आएको बताए ।
उनले आर्थिक बर्ष २०७७ । ७८ मा नीति नियमको निर्माण, इन्टरनेट तथा कम्प्युटरबाट लेखा प्रणाली चुस्तदुरुस्त बनाएको, पाइपलाइन विस्तार गरिएको लगायतका भनाई राखेका थिए ।
खाँणले आगामी दिनमा नगरले खानेपानीमा निति निर्माण गरेर समानुपातिक ढंगबाट सहयोग सहकार्य गर्नुपर्नेमा जोड दिएका थिए ।
सचिव बुद्ध शाहीले संस्थागत प्रगति प्रतिवेदन प्रस्तुत गरेका थिए ।
संस्थाकि कोषाध्यक्ष नमुना पौडेलले आर्थिक वर्ष २०७७/७८ को कुल ६७ लाख ८७ हजार ७ सय ५० बराबरको आय व्यय प्रतिवेदन पेश गरेकी थिईन् । कार्यक्रममा बोल्दै खानेपानी महासंघका का जिल्ला अध्यक्ष राजेन्द्र वीक्रम शाहले उपभोक्तालाई शुद्ध खानेपानी दिनु पर्ने बताएका थिए ।
निवर्तमान अध्यक्ष शंकर प्रसाद पौडेलले पनि खानेपानीलाई नगरले सहयोग नगरेको भन्दै आगामी दिन सहयोगको लागि आग्रह गर्\। उपाध्यक्ष विष्णु विसीको स्वागत, सचिव बुद्ध शाहीको संचालनमा सम्पन्न कार्यक्रममा अधिकांस उपभोक्ताको सहभागिता थियो ।
