अनिता क्षेत्री, अर्घाखाँची

दुई जिल्ला जोड्ने पक्की पुल को सर्भे गरिएको छ । अर्घाखाँचीको शितगङगा नगरपालिका वडा नं. १३ मुसिवान खोलामा कपिलवस्तु र अर्घाखाँची जिल्लालाई जोड्ने पक्की पुलको सर्भे सम्पन्न भएको हो ।

अर्घाखाँची र कपिलवस्तु विभिन्न सेवा सुबिधाको लागी दिनहुँ सयौं मान्छे आवतजावत गर्ने गर्दछन् ।खाद्यन्न औषधी उपचार, लत्ताकपडा जस्ता भिन्न सेवा सुबिधाक लागि पाई पर्ने नजिकको ठाउँ कपिलवस्तु भएको हुनाले विशेष गरि वर्षायामको समयमा मुसविान खोलामा वाढीका कारण यातायातका साधन आवतजावत गर्न निकै कठिन परेको हुँदा यस योजना लाई विशेष प्राथमिकता दिएर छिट्टै संचालनमा ल्याउन माग गर्दै वडा अध्यक्ष दुर्गा बहादुर बिसिले भैतिक पुर्वाधारको समुहलाई ज्ञापनपत्र हस्तान्तरण गर्नु भएको छ ।

धेरै दुःख कष्ट खेपिरहेका स्थानीय बासी एक्कासि मोटरेवल पुल बन्ने भए पछि हर्षित भएका छन्। कपिलवस्तु बाणगङ्गा नगारपालिकाको बनगाई, मोतिपुर भर्लावास हुँदै अर्घाखाँचीको मुसिवान, पारे किर्तिपुर, छेँडा, भेडामारे हुँदै जिल्ला सदरमुकाम सन्धिखर्क जानको लागि छोटो र सहज बाटो भएकाले सोही खोलामा मोटरेवल पुल अति आवश्यक भएको स्थानिबासी बताउँछन् । वडा अध्यक्ष दुर्गा बिसि, इन्जिनियर सुमन बस्नेतको टोलीले सर्भे गरेको हो ।