हरि आचार्य, कपिलवस्तु
नेपाल राष्ट्रिय उद्योग व्यवसाय महासंघ कपिलवस्तुको सचिवमा कुशल पौडेल सर्वसम्मत रुपमा चयन हुुनुभएको छ । नेकपा एमालेको जनवर्गीय संगठन नेपाल राष्ट्रिय उद्योग व्यवसाय महासंघ कपिलवस्तुको पहिलो जिल्ला भेलाले सचिवमा युवा व्यवसायी पौडेललाई सचिव पदमा सर्वसम्मत रुपमा चयन गरेको हो ।
पौडेलले खाद्य बस्तु उपलब्ध गराउने एम.एण्ड टी. टे«डिङ नामक व्यवसाय सञ्चालन गर्दै आउनुभएको छ । उहाँसंग लायन्स क्लव अफ कपिलवस्तुको संस्थापक सचिव भई जिम्मेवारी वहन गरेको अनुभव छ भने शान्ति श्रृजना युवा नेपाल बनगाईको बर्तमान सचिव समेत रहनुभएको छ ।
सचिव भएसंगै पौडेलले जिल्ला सचिव पदमा सर्वसम्मत रुपमा चयन गर्न सहयोग गर्नुहुने सम्पुर्णलाई आभार व्यक्त गर्दै विशुद्ध नेकपा एमालेमा आवद्ध उद्योगी व्यवसायीका हक हित तथा अधिकारका लागि लड्ने बताउनुभयो । उहाँले पार्टीले अंगालेका औद्योगीक योजनाहरुलाई अंगाल्दै ठुला साना सबै व्यवसायीहरुलाई समावेश गरि उनीहरुको उत्थान र आर्थिक स्तरलाई माथि उकास्नका लागि आफ्नो अमह भुमिका रहने बताउनुभयो ।
