लुदअ, कपिलवस्तु
युग र जनताको आवश्यकतालाई मध्यनजर गर्दै नगरपालिकामै उत्कृष्ट कपिलवस्तुको बुद्धभुमी नगरपालिका वडा नं. ३ ले झन पछि अर्को उदाहरणिय कार्य गरेको छ । विकास निर्माणका कामले मात्र वडासंगै नगर समृद्ध हुन नसक्ने भएकाले निर्वाचित भएको पहिलो बर्ष देखिनै लक्षित वर्गका कार्यक्रमलाई पनि निरन्तर समावेश गर्दै आएको बुद्धभूमि नगरपालिका वडा नं. ३ को सहयोगमा ५ दिने मादल बजाउने तालिमको समुदघाटन गरिएको छ ।
एक कार्यक्रमको आयोजना गरि ‘‘हम्मन संस्कृति हम्मनके शान संस्कृति बचएना हम्मनके अभियान’’ भन्ने मुला नारा सहित थारुको मादल बजाउउने ५ दिने तालिमाकोे समुदघाटन वडा नं। ३ का वडाध्यक्ष बिकास आचार्यले गर्नुभएको छ ।बिशेष गरि समाज गीतसंगीतमा पश्चिमा संस्कृतितर्फ ढल्किएपछि मादल बजाउने संस्कृति हराउन गएको र यस ५ दिने तालिमले समुदायमा राम्रो सन्देश जाने उद्देश्यले उक्त कार्यक्रमको आयोजना गरिएको वडाध्यक्ष आचार्यले बताउनु भयो ।
उहाँले आफु जनप्रतिनिधि हुंदा वडावासीलाई दिएका आवश्वासन पुरा गर्ने क्रममा रहेको बताउदै वडाका सम्पूर्ण आवश्यकतालाई मध्यनजर गर्दै अगाडि बढेको बताउनु भयो ।
आजबाट शुरु गरिएको तालिमा चैत्र १९गते सम्म हुने छ । थारु जातिको मादल बजाउने तालिम उपभोक्ता समिति बुद्धभूमि नगरपालिका वडा नं. ३ आयोजक रहेको छ भने बुद्धभूमि नगरपालिका वडा नं. ३ को सहयोगमा उक्त तालिम सञ्चालन गरिएको हो ।
