लुदस, जितपुर । पेट्रोलियम पदार्थको मुल्य वृद्धि विरुद्ध नेकपा एमाले निकट अनेरास्ववियु सिद्धार्थ क्याम्पस कमिटीद्वारा बिरोध प्रदर्सन गरिएको छ । सिद्धार्थ क्याम्पसबाट सुरु गरिएको बिरोध प्रदर्शन ¥याली पुनः क्याम्पस गेटमा आई कोणसभामा परिणत भएको थियो । प्रधानमन्त्री देउवाको को राजिनामा, मुल्य वृद्धि फिर्ता गर लगायतका नारा लगाएका थिए ।
कोणसभामा बोल्दै कार्यक्रम लाई प्रमुख अतिथिको रुपमा सम्बोधन गर्दै अनेरास्ववियु कपिलवस्तुका अध्यक्ष दयाराम पौडेलले निगमभित्र भएका भ्रष्टाचार, चुहावट, मनलाग्दी कर्मचारी भर्ना, खरिद बिक्रीमा हुने ठूला अनियमितता लाई अब पनि निराकरण नगर्ने हो हने जनता चुप लागेर नबस्ने बताएका छन् । प्रत्येक हप्ता भएको मुल्य वृद्धिले जनतामा निक्कै ठुलो आक्रोश निम्तिएकोले अब निगम लाइ चुस्त दुरुस्त राखी मुल्य वृद्धि तत्काल खारेजी गर्नुपर्ने पौडेलको माग रहेको थियो ।
त्यस्तै कार्यक्रम लाइ बिशिष्ट अतिथिको रुपमा सम्बोधन गर्दै अनेरास्ववियु जिल्ला उपाध्यक्ष अन्जित खनालले आफुहरुको स्वार्थको लागि गरिएको मुल्य वृद्धिले जनताको ढाड सेकिएको बताउदै मुल्य वृद्धि तत्काल फिर्ता लिन माग गरेका छन् । केहि समय देखी लगातार बढिरहेको पेट्रोलियम पदार्थको मुल्यले जनतामा एक प्रकारको आक्रोश उत्पन्न हुनुका साथै सरकार नै कमजोर साबित भएको प्रदर्शनकारीको दाबी रहेको थियो ।
अनेरास्ववियु क्याम्पस कमिटिका अध्यक्ष पशुपति गिरीको अध्यक्षता, स्ववियु सिद्धार्थ क्याम्पसका सचिव दिनेश चौधरीको स्वागत मन्तव्य, क्याम्पस कमिटि सचिव कोपिला गिरीको सञ्चालनमा सम्पन्न विरोध प्रदर्शनमा अनेरास्ववियु जिल्ला सचिव सन्दिप आचार्य, सह–सचिव बिष्णु घिमिरे, सिद्धार्थ क्याम्पसका विद्यार्थी नेता, अनेरास्ववियुमा आवद्ध विद्यार्थीहरु, ईलाका प्रहरी कार्यालय पिपराका प्रहरी निरिक्षक दिपक बाबु केसी, अनेरास्ववियु जिल्ला कमिटिका पदाधिकारी एवम् विद्यार्थीको उपस्थितमा प्रदर्शन र कोणसभा सम्पन्न भएको थियो ।
