कपिलवस्तुको मायाँदेवी गाउँपालिकामा पालिका स्तरिय मानव अधिकार समूह गठन भएको छ । भेलाले इन्सेक , मानव अधिकार समुहको अध्यक्षमा सतिस प्रसाद पाण्डेयलाई चयन गरेको छ । मायाँदेवी गाउँपालिकामा भदौ २६ गते भएको मानव अधिकार समुह गठनका लागि भेलाले पाण्डेयलाई अध्यक्ष पदमा सर्व सहमत चयन गरेको हो ।
जसको उपाध्यक्षमा रिखिराम रैदास, सचिवमा सुन्दरी लोनिया, सह सचिवमा जमिल अहम्मद मुसलमान, कोषाध्यक्षमा अब्दुल्लाह मुसलमान चयन भएका छन् । यस्तै सदस्यहरुमा डिलिप कुमार बरई, चम्पा भेवट, बेलाल अहम्मद मुसलमान, अजिजुद्दिन मुसलमान, जय प्रकाश चौधरी लगाएत ११ सदस्यीय चयन भएका हुन् ।
कार्यक्रमका प्रमुख अतिथी तथा मायाँदेवी गाउँपालिकाका प्रमुख वलिउद्दीन मुसलमानले समाज परिवर्तनका लागि मानव अधिकारकर्मीहरुको अमह भूमिका भएको बताएका छन् । शिक्षा, स्वास्थ्य, लैंगिंक विभेद लगाएतका बिभिन्न हिंसाहरुको बिरुद्धमा पैरवी गर्दै आएको इन्सेकले यस मायाँदेवी गाउँपालिकामा अभियान संचालनका लागि समिती गठन गर्नु महत्वपूर्ण भएको बताए । यस स्थानियतह भित्र मानव अधिकारका घटना हुन नदिनका निमित्त गाउँ टोल तथा वस्ती हुँदै पालिका सम्म मानव अधिकारकर्मीले भुमिका खेल्नुपर्नेमा जोड दिंदै स्थानियतहबाट हुने सहयोगमा आफू प्रतिवद्ध रहेको प्रमुख मुसलमानले बताए ।
यस्तै समाजिक विकास समितीका संयोजक तथा वडा नंं. ५ का वडा अध्यक्ष राघवेन्द्र प्रसाद पाण्डेयले मानव अधिकारका घटना दिनदिनै घटिरहनुका साथै आत्महत्या लगायत घटनाहरु समाजमा बढ्दै गएको बताए । नव निर्वाचित समूहका सम्पुर्ण पदाधिकारीहरुलाई हार्दिक बधाई तथा कार्यकालको शुभकामना दिंदै यस्ता घटनाहरुलाई निराकरण गर्न मानव अधिकार समूहले वडाका बिभिन्न टोलहरुमा अभियान संचालन गर्नुपर्ने बताए । वडा अध्यक्ष पाण्डेले वडा नं ५ बाट मानव अधिकारको क्षेत्रमा पूर्ण सहयोग हुने प्रतिवद्धता व्यक्त गरेका छन् ।
यसैगरी कार्यक्रममा वडा नं ३ का वडा अध्यक्ष शैलेन्द्र कुमारले नव निर्वाचित पदाधिकारीहरुलाई शुभकामना दिंदै मानव अधिकार कर्मीहरुको साथ र सहयोग अपरिहार्य रहेको बताए । सानो उमेर देखी राजनितिक क्षेत्रमा लागेका यादवले मानव अधिकार समुहले व्यक्तिलाई मानवको रुपमा बाच्न पाउने, खान पाउने र आफनो अधिकार माग गर्न पाउने अधिकार दिलाउने मानव अधिकारकर्मिको साथले नै अगाडी बढ्ने प्रेरणा मिलेको बताए । वडा अध्यक्ष यादवले आफ्नो वडामा मानव अधिकार समूह संग समन्वय गरेरै अभियान संचालनमा सहयोग पु¥याउने प्रतिवद्धता व्यक्त गरे ।
समुहका नव निर्वाचित अध्यक्ष सतिष प्रसाद पाण्डेयले आफ्नो कार्यकालमा स्थानिय तह र सरोकारवालासँग समन्वय र सहकार्य गर्दे मानव अधिकार समूहलाई प्रशंसनिय कार्यहरु सहित अगाडी बढाउने प्रतिवद्धता जनाए ।https://lumbinidarpanonline.com
फुलिका किशोरी संजालका अध्यक्ष सुन्दरी लोनियाले मानव अधिकार हाम्रो पालिकामा गठन गर्न पाउँदा धेरै खुशि भएको बताईन् । उनले हाम्रो समाजमा हत्या , हिंसा , बलात्कार र भेदभावले यहाँका किशोरीहरुको पठनपाठनमा धेरै समस्या भएको बताउँदै अब यस्ता समस्याहरुलाई समाधान गर्न लागिपर्नेमा जोडदिईन् ।
भेला तथा कार्यक्रममा कपिलवस्तु नगरपालिका मानव अधिकार समुहका नगर अध्यक्ष पुष्पा रेग्मीले स्वागत मन्तब्य दिंर्दै अब समाजमा रहेका विकृती विसंगतीलाई न्यूनिकरण गर्न सबैको साथसपोर्टको आवश्यकता भएको बताईन् । समाजमा घटने बिभिन्न घटनाहरुलाई सबैले खुलेर बाहिर ल्याउनेमा जोड दिइएकी थिईन् ।
इन्सेक जिल्ला प्रतिनिधि पार्वती अचार्यले इन्सेकको काम , कर्तव्य र मानव अधिकार सम्बन्धि अभियानकोबारेमा जानकारी दिएकी थिईन् । कार्यक्रममा कार्यपालिका सदस्य बिमलावती चमार , लुम्बिनी अपांग उत्थान समाजका डिलिप कुमार बरई , सदरसाका मौलाना , मोल्वी , महिला स्वास्थ्य स्वयंम सेविका , युवा संजालका प्रतिनिधी र संचारकर्मी लगाएतको उपस्थिती रहेको थियो । उक्त कार्यक्रको संचालन कपिलवस्तु नगरपालिका मानव अधिकार समुहका नगर उपाध्यक्ष नुरमोहम्मद मुसलमानले संचालन गरेका थिए ।
अनौपचारिक क्षेत्र सेवा केन्द्र (इन्सेक) को समन्वयमा गठन भएकोे मानव अधिकार समुहले शिक्षा, स्वास्थ्य, महिला र बालअधिकार उल्लङ्घन, जातीय विभेद, महिलामाथि हुने हिंसा र वातावरणीय अधिकारको सवालको क्षेत्रमा काम गर्ने छ । https://lumbinidarpanonline.com
