लुदस, जितपुर
बुद्धभुमि नगरपालिका का मेयर केशव कुमार श्रेष्ठ नगरपालिका संघको केन्द्रिय सदस्यमा निर्वाचित हुनुभएको छ । बुधबार राजधानीमा सम्पन्न अधिवेशनबाट श्रेष्ठ केन्द्रिय सदस्यमा निर्वाचित हुदै जिल्लामै पहिलो इतिहास रच्न सफल हुनुभएको हो । यस अगाडी जिल्लाका स्थानिय तहहरुबाट केन्द्रिय समितिमा जनप्रतिनिधिहरुले स्थान पाएका थिएनन् ।
यस्तै संघको अध्यक्षमा धादिङको निलकण्ठ नगरपालिकाका मेयर भीम ढुंगाना सर्वसम्मत चयन भएका हुन् । ४३ सदस्यीय कार्यसमितिमा ढुंगाना सर्वसम्मन अध्यक्ष चयन भएका हुन् । उनी नेपाली कांग्रेसका तर्फबाट निर्वाचित नगरप्रमुख हुन् ।
उपाध्यक्षमा नेकपा माओवादी केन्द्र निर्वाचित सिन्धुपाल्चोकको चौतारासाँगागढी नगरपालिकाका मेयर कृष्णप्रसाद सापकोटा चयन भएका छन् । महासचिवमा नेकपा एमालेका तर्फबाट दाङको घोराही उपमहानगरपालिकाका मेयर नरुलाल चौधरी चयन भएका छन् ।
